Կառավարությունն այսօր՝ հոկտեմբերի 10-ին, իր նիստում բավարարել է «Տեքսաս փրոդաքշն» ՓԲԸ-ի ներկայացրած հայտը՝ գերակա ոլորտում իրականացվող ներդրումային ծրագրի շրջանակում ներմուծված տեխնոլոգիական սարքավորումները, դրանց բաղկացուցիչ ու համալրող մասերը, հումքը եւ նյութերը ներմուծման մաքսատուրքից ազատման արտոնությունից օգտվելու համար:
Ընկերությունը գործում է թեթեւ արդյունաբերության բնագավառում եւ նախատեսվում է իրականացնել 664 մլն ՀՀ դրամի ներդրում: Ներկայումս ստեղծված է 68 աշխատատեղ, նախատեսվում է ստեղծել եւս 25-ը՝ 130 000 ՀՀ դրամ միջին աշխատավարձով։
Ծրագրով նախատեսված արտադրանքի ընդհանուր ծավալը տարեկան կկազմի 1 մլրդ 250 մլն ՀՀ դրամ, որի մի մասը` 60 մլն ՀՀ դրամի արտադրանքը, կիրացվի ՀՀ տարածքում, մյուս մասը` 1 մլրդ 115 մլն ՀՀ դրամի արտադրանքը, կարտահանվի ՌԴ, մյուս մասը` 74,5 մլն ՀՀ դրամի արտադրանքը` Բուլղարիա եւ Ֆրանսիա:
