Ռուսաստանը կարող է զրկվել Եվրոպայի խորհրդի նախարարների կոմիտեի աշխատանքներին մասնակցությունից, եթե չվերականգնի ԵԽ-ի բյուջեին վճարումները։ Այդ մասին հայտնել է Եվրոպայի խորհրդի գլխավոր քարտուղար Թյուրբորն Յագլանդը՝ տեղեկացնում է DW-ն։
«Չի կարելի կիսով չափ լինել Եվրոպայի խորհրդում, կիսով չափ՝ ոչ»,- ընդգծել է Յագլանդը։ Նրա խոսքերով՝ ԵԽ կանոնադրության 9-րդ հոդվածը թույլ է տալիս երկու տարի վճարում չկատարած երկրին հեռացնել նախարարների կոմիտեի ներկայացուցչությունից։
Յագլանդը չի բացառել, որ ԵԽ-ի հետ հակամարտության հետեւանքով Մոսկվան կարող է որոշել դուրս գալ նրա կազմից։ «Եթե պարզվի, ու Ռուսաստանը հեռանում է, ես անհապաղ կառաջարկեմ Կոմիտեին վերանայել ԵԽ բյուջեն»,- ասել է Յագլանդը։