Jaguar Land Rover-ի ղեկավարությունը մտադիր է առաջիկա տասնամյակում Jaguar-ը վերափոխել բացառապես էլեկտրամոբիլների արտադրողի: Հաջորդ 5-7 տարիներին ներքին այրման շարժիչով մոդելների հավաքածուն աստիճանաբար կկրճատվի: Իսկ նոր ընտանիքի առաջին մեքենան կլինի ֆլագմանային XJ-ի էլեկտրական ժառանգորդը, փոխանցում է Motor-ը:
Autocar պարբերականը հայտնում է, որ էլեկտրական ուժային սարքով Jaguar XJ-ն կհայտնվի մոտակա 2 տարում: Մոդելը կդառնա Porsche Taycan-ի, Tesla Model S-ի մրցակիցը, ինչպես նաեւ Mercedes-Benz S-Class-ի եւ Bentley Flying Spur-ի: Նոր XJ-ն մեծապես կվերաիմաստավորի մոդելի գաղափարախոսությունը, որի պատմությունը սկսվում է 1967 թվականից: Մասնավորապես՝ կստանա միանգամայն նոր ինտերիեր:
