ԱՄՆ նախագահ Դոնալդ Թրամփը սխալ հաշվարկներ է կատարել Իրանի հարցում, հայտարարել է Իրանի իսլամական հեղափոխության պահապանների կորպուսի (ԻՀՊԿ) հրամանատար Մոհամեդ Ալի Ջաֆարին։ Նա նշել է, որ ԻՀՊԿ–ին կարող է ոտքի կանգնել 12 րոպեից պակաս ժամանակահատվածում, փոխանցում է Mehr–ը։
Նրա խոսքով՝ Թրամփի հայտարարությունն այն մասին, որ Իրանի ազդեցությունը կրճատվել է իր պաշտոնավարման պահից, սխալական է։ «Եթե անցյալում մենք կարող էինք պաշտպանել Մերձավոր Արեւելքը 12 րոպեի ընթացքում, ապա այսօր դրա համար ավելի քիչ ժամանակ կպահանջվի»,–նշել է նա։
Նա շեշտել է՝ Իրանը չի տատանվի իր սահմաններից դուրս վճռական միջոցներ ձեռնարկելու հարցում, եթե իր անվտանգությունը սպառնալիքի տակ հայտնվի։
Իրանի նկատմամբ ԱՄՆ պատժամիջոցների առնչությամբ Ջաֆարին նշել է, որ Իրանի ժողովուրդը սովորել է ԱՄՆ–ի միակողմանի պատժամիջոցներին։
Իր կողմնակիցներին ուղղված ուղերձում Թրամփը հայտարարել էր, որ Իրանը նախատեսում է վերահսկողության տակ առնել մերձավոր Արեւելքն ընդամենը 12 րոպեի ըմթացքում։
