Հոկտեմբերի 12-ին Մարշալ Բաղրամյանի անվան փորձադաշտում ավարտվեցին հայ-ռուսական միացյալ զորքերի խմբավորումների զորավարժությունները: Զորավարժությունների հրամանատարները, ինչպես նաեւ հանդիսատեսն եւ լրատվամիջոցների ներկայացուցիչները դիտեցին զորավարժությունների վերջնական, ակտիվ փուլը (ֆոտոռեպորտաժ):
Տանկեր, հրետանի, ավիացիա. զորավարժությունների եզրափակիչ փուլում ներկայացված էին զանգվածային մարտի բոլոր ատրիբուտները:
«Ներկայիս զորավարժությունների առանձնահատկությունն այն է, որ նախապես կազմված սցենար չի եղել: Ստորաբաժանումները ընդհանուր թեման եւ առաջադրանքները ստացել են ըստ իրավիճակի զարգացման», - լրագրողների հետ զրույցում ասաց հայ-ռուսական միացյալ զորքերի խմբավորման հրամանատար Տիգրան Փարվանյանը:
Զորավարժություններին ներգրավվել է անձնակազմից մի քանի հազար մարդ, կողմերը նախընտրում են չնշել տեխնիկայի քանակը: Գեներալ-մայոր Փարվանյանը ստորաբաժանումների համակարգումը բավարար գնահատեց: «10 օրվա ընթացքում անձնակազմը լավ ծանոթացել է, լավ գիտի մյուս կողմի կարողությունները եւ ունակությունները», - նշեց գեներալը:
«Դասընթացի ընթացքում մենք ցույց տվեցինք այն հնարավոր զարգացումները, որոնք կարող էին լինել ցանկացած մարտական գործողության ժամանակ՝ սկսած սահմանապահ զորքերից, հակառակորդի առաջխաղացման հակազդեցություններ, նրան նախնական դիրքերի վերադարձնելը»,-լրագրողների հետ զրույցում ասաց մարտական պատրաստության վարչության ղեկավար, Գլխավոր շտաբի ղեկավարի տեղակալ, գեներալ-մայոր Անդրանիկ Մարգարյանը:
Պատասխանելով հարցին՝ կային այնպիսի առաջադրանքներ, որոնք խմբավորումն ի վիճակի չէր լինի կատարել, գեներալը պատասխանեց. «Նման բան չի կարող լինել».
Զորավարժություններին ներագրավված էին ուղղաթիռներ եւ ինքնաթիռներ՝ գրոհիչ ինքնաթիռներ եւ կործանիչներ, ինքնագնաց կառույցներ, հրետանի, մեծ քանակությամբ տանկեր եւ ԲՄՊ: Զորավարժությունների արդյունքները ավելի ուշ կամփոփվեն: