News
Լրահոս
News
Չորեքշաբթի
Դեկտեմբեր 12
Տեսնել լրահոսը

NEWS.am–ին նոր մանրամասներ են հայտնի դարձել նախօրեին Վանաձորի «Նավակ» ռեստորանի բակում հնչած կրակոցների դեպքի մասին։

Հիշեցնենք, որ հոկտեմբերի 11-ին՝ ժամը 19։05-ի սահմաններում ռեստորանի բակում հրազենային վնասվածքներ էին ստացել 41-ամյա Գևորգ Նավոյանը,  37-ամյա Գրիգորի Դավթյանը և 44-ամյա Արմեն Սեդրակյանը։

Մեր տեղեկություններով՝  հանցագործության թիրախում եղել է Գևորգ Նավոյանը, որը  Մոսկվայում հայտնի քրեական հեղինակություն է և վերջերս էր վերադարձել Հայաստան։

Նախնական տեղեկություններով՝  քրեական հեղինակության սպանությունը նախապատրաստած անձինք դեպքի օրը գնել են  «ՎԱԶ 21-07»  մակնիշի ավտոմեքենա, որից և  կրակոցներ են արձակել ռեստորանից դուրս եկող տղամարդկանց ուղղությամբ։

Կրակոցներ արձակելուց հետո կասկածյալներն այրել են ավտոմեքենան՝ այդ կերպ փորձելով վերացնել հանցագործության հետքերը։

Նշենք, որ այրված ավտոմեքենան արդեն հայտնաբերվել է, իսկ սպանության կասկածանքով կան բերման ենթարկվածներ։

Ավելի վաղ հայտնել ենք, որ հոկտեմբերի 11-ին՝ ժամը 19-ն անց 5-ի սահմաններում, «Վանաձոր» բժշկական կենտրոնից ոստիկանության Բազումի բաժին ահազանգ է ստացվել, որ իրենց մոտ հրազենային վնասվածքներով բուժօգնության են տեղափոխվել 41, 37 և 44-ամյա տղամարդիկ։ Իրավապահները պարզել են, որ Վանաձորում կրակոցներ են հնչել, ինչի հետևանքով էլ տղամարդիկ վիրավորվել են։ Հայտնաբերվել է այրված մեքենա և 5.45մմ տրամաչափի 21 կրակված պարկուճ։

Դեպքի առթիվ ՀՀ քննչական կոմիտեում հարուցվել է քրեական գործ՝ ՀՀ քր.օր.-ի 34-104 հոդվածի 2-րդ մասի (ապօրինի զենք-զինամթերք կրելը, պահելը օգտագործելը) 1-ին և 6-րդ կետերով (սպանության փորձ) և 235 հոդվածի հատկանիշներով:

Տպել
Կարդացեք նաև
Ամբողջը
Սրճեփ սարքի մետաղադրամները գողացած Հուսիկին ոստիկանները գտել են դեպքից մեկ ժամ անց
Դեկտեմբերի 11-ին՝ լույսը չբացված, ոստիկանության Էրեբունու բաժին գողության վերաբերյալ ահազանգ է հնչել....
Հարուցվել է քրեական գործ՝ կրկնակի քվեարկության փորձ կատարելու դեպքի առթիվ
Արագածոտնի մարզի Ծիլքար գյուղում գտնվող 17/67 ընտրական տեղամասում, նույն գյուղի բնակիչը մասնակցել է...
Ստրասբուրգում կրակոցների հետեւանքով տուժածների մեջ հայեր եւ Հայաստանի քաղաքացիներ չկան
Հիշեցնենք, որ նախօրեին տղամարդը կրակ էր բացել Ստրասբուրգի կենտրոնում․․․
«Հրապարակ». Բուլկի Արամը փախե՞լ է
Ինչպես հայտնեց աղբյուրը՝ պատահական չէ, որ Վիկտոր Մարտիրոսյանը կալանքի տակ է, իսկ Արմեն Խաչատրյանն՝ այլեւս ոչ...
Կրակոցներ՝ Ստրասբուրգում․ Զոհվել է երկու մարդ, վիրավորների թիվը հասել է 11-ի
Հայտնի է, որ կրակոցները հնչել են քաղաքի կենտրոնում՝ սուրբծննդյան տոնավաճառից․․․
Կրակոցներ՝ Ստրասբուրգում․ Ոստիկանությունը նույնականացրել է հրաձիգին
Վերջին տվյալներով կա մեկ զոհ, 10 մարդ վիրավոր է․․․
Partner news