Windows 10 ծրագրով աշխատող համակարգիչների տերերը բողոքել են լուրջ խնդիրներից, որոնք սկսվել են ծրագրի նոր թարմացումից հետո՝ տեղեկացնում է RG-ն։
Խնդիրներ առաջացնող «ափդեյթը», որի համարը KB4464330 է, նախատեսված է այլ սխալի՝ ֆայլերի ջնջումը վերացնելու համար։ Սակայն դրա փոխարեն այն նոր խափանումներ է առաջացնում։
Համակարգիչների տերերն ասում են, որ այդ ծրագրի գործարկման ժամանակ համակարգիչը վերբեռնվում է՝ ի ցույց դնելով, այսպես ասած, «մահվան կապույտ էկրանը» (blue screen of death - BSOD), երբ կապույտ ֆոնին հայտնվում է հաղորդագրություն համակարգի աշխատանքում չկարգավորվող սխալի մասին։
Microsoft-ի ֆորումներից հետեւում է, որ այս խափանումը Hewlett-Packard արտադրության շատ համակարգիչներում եւ նոթբուքերում է եղել։ Խնդիրը հայտնաբերվել է HpqKbFiltr.sys ֆայլում, որի անվան փոփոխության դեպքում կարելի է խուսափել «մահվան կապույտ էկրանից»։