Լոնդոնի հյուսիս-արեւելքում դանակով զինված անհայտ անձի հարձակման հետեւանքով մեկ մարդ մահացել է, մեկը՝ վնասվածք ստացել, փոխանցում է RT-ն՝ վկայակոչելով Սքոթլանդ Յարդի մամուլի ծառայությանը:
Ոստիկանության տեղեկություններով՝ միջադեպը տեղի է ունեցել հոկտեմբերի 12-ի երեկոյան:
Նշվում է, որ մահացած մարդը, ենթադրաբար, 23 տարեկան է, նա մահացել է միջադեպի վայրում:
Եվս մեկ տղամարդ, որը, նախնական տեղեկություններով, 23 տարեկան է, հոսպիտալացվել ծայրահեղ ծանր վիճակում:
Տեղի ունեցածի փաստով քննություն է կատարվում: Հաղորդվում է, որ առայժմ ձերբակալություններ չեն կատարվել:
Ավելի վաղ հայտնի էր դարձել, որ Լոնդոնում մուրճով զինված տղամարդու հարձակման հետեւանքով երկու կին էր տուժել:
