Տեխնոլոգիաները տեղում չեն դոփում: Ավելին՝ վերջին շրջանում սկսել են առաջ ընթանալ վախեցնող արագությամբ, ինչը կարելի է միայն բացատրել բարձր տեխնոլոգիաների ոլորտում անտանելի խիտ մրցակցությամբ, նշում է Planet Today-ը:
Այս միտքը հերթական անգամ հաստատել է Pundi X սթարթափը, որի սեփականատերերին հաջողվել է մշակել SIM քարտի կարիք չունեցող սմարթֆոն:
XPhone կոչվող զարմանալի նորույթն արտադրողները պնդում են, որ իրենց սարքը բջջային օպերատորների կարիք բացարձակապես չունի: Pundi X-ի զավակ հեռախոսի համար բոլոր անհրաժեշտ գործողությունները կկատարվեն բլոքչեյնի (հիշողության բլոկների շղթաներ) տեխնոլոգիաների միջոցով: Իսկ դրա համար SIM քարտ օգտագործելու կարիք ամենեւին չկա:
Այսպիսով, նոր սմարթֆոնը մշակողները հույս ունեն ընդլայնել բլոքչեյնի տեխնոլոգիան, որը հիմա ակտիվորեն օգտագործվում է միայն ֆինանսական ոլորտում: Սակայն ինչպես ցույց է տալիս պրակտիկան, այն միագամայն գերազանց կարող է կատարել նաեւ այլ գործառույթներ:
Ցավոք, նոր սմարթֆոնի թողարկման եւ լրացուցիչ գործառույթների մասին առայժմ չի հաղորդվում: Սակայն մշակողները խոստանում են կարճ ժամանակ անց XPhone-ի մասին ավելի շատ տեղեկություններ ներկայացնել, եւ միանգամից նշել արտադրանքը շուկա հանելու մոտավոր ժամկետները: Դա տեղի կունենա հոկտեմբերի 15-ին: