Շաբաթ գիշերը Ուխտոմկայում անհայտ չարագործը հրկիզել է փայտե տաճարը եւ կից գտնվող կիրակնօրյան դպրոցը, «ՌԻԱ Նովոստի»-ին հայտնել են Մոսկվայի պատրիարքարանի եկեղեցական բարեգործության եւ սոցիալական ծառայության սինոդի բաժնից:
«Հոկտեմբերի 12-ի լույս 13-ի գիշերը Ուխտոմկայում չարագործը թափանցել է տաճարի տարածք, հրկիզել ի պատիվ Աստվածամոր «Չար սրտերի մեղմացում» սրբապատկերի փայտե տաճարը եւ կից գտնվող կիրակնօրյա դպրոցը: Պահակը ժամանակին է հրշեջ հաշվարկ կանչել, ինչի շնորհիվ տաճարի հիմնական շենքը չի տուժել, բայց ամբողջությամբ այրվել են կիրակնօրյա դպրոցի երկու դասասենյակները եւ եկեղեցու կից կառույցը»,- նշված է գործակալության ստացած հաղորդագրության մեջ:
Մոսկվայի Արեւելյան առաջնորդարանի մամուլի ծառայության տեղեկություններով՝ պահակը մինչեւ հրշեջների գալը փորձել է ինքը մարել կրակը: Դեպքի վայր է կանչվել նաեւ ոստիկանություն: Հրդեհի հասցրած ընդհանուր վնասը դեռ պետք է գնահատվի: Հիմա կազմակերպվել են հրդեհից հետո եկեղեցու տարածքը մաքրելու աշխատանքներ, օգնության համար կամավորների են կանչել: