ԱՄՆ նախագահի ազգային անվտանգության հարցերով խորհրդական Ջոն Բոլթոնը հայտնել է Ռուսաստան, ինչպես նաեւ Հայաստան, Վրաստան եւ Ադրբեջան իր այցելության նպատակների մասին:
Լրագրող Հյու Հյուիթի հետ հարցազրույցում Բոլթոնը հայտարարել է, որ պատրաստվում է մոտ 10 օր հետո այցելել Մոսկվա եւ Կովկասի երկրներ: «Պատճառը բանակցությունները շարունակելն է, որոնք այս ամռանը Հելսինկիում վարել են նախագահներ Թրամփն ու Պուտինը, խոսել ամերիկա-ռուսական հարաբերությունների մասին եւ հասկանալ, թե որ հարցում կկարողանանք առաջընթացի հասնել, իսկ որ հարցերում դեռեւս խնդիրներ ու տարաձայնություններ ունենք: Այնուհետեւ ուղեւորությունն է Կովկաս, որպեսզի գնահատվի այն կարեւոր աշխարհաքաղաքական դերը, որը նրանք ունեն Իրանի հետ հարաբերություններում, Ռուսաստանի եւ Թուրքիայի հետ հարաբերություններում»,- նշել է նա: