Իտալական նոր կառավարության բյուջետային ծրագրերի շուրջ վեճերի հետ կապված՝ Եվրոպական կենտրոնական բանկի նախագահ Մարիո Դրագին Իտալիայի կառավարությանը կոչ է արել ավելի զուսպ հռետորաբանություն կիրառել՝ տեղեկացնում է DWժն։
Այլ բաների հետ մեկտեղ երկրի իշխանությունները պետք է դադարեցնեն հարցի տակ դնել համաեվրոպական արժույթը՝ հոկտեմբերի 13-ին Բալիում կայացող ԱՄՀ-ի նստաշրջանում ասել է Դրագին։
Ըստ տնտեսագետի՝ ծավալուն բյուջետային քաղաքականության վարումն ավելի կբարդանա, եթե քաղաքացիները սկսեն կասկածի տակ դնել եվրոյի նպատակահարմարությունը։ Նրա կարծիքով՝ թերահավատների հայտարարություններն Իտալիայում արդեն իսկ վնաս են հասցրել, այդ պատճառով «անհրաժեշտ է առաջին հերթին մեղմացնել տոնը»։
Միաժամանակ, խոսելով Իտալիայի եւ ԵՄ-ի հակամարտության մասին, ԵԿԲ նախագահը կոչ է արել սպասել Եվրահանձնաժողովին իտալական կառավարության բյուջետային պլանի ներկայացմանը, քանի որ դրա բոլոր մանրամասները չէ, որ հայտնի են։
Հոկտեմբերի սկզբին տնտեսական հարցերով փորձագետ Կլաուդիո Բորգին առաջարկել էր, որ Իտալիան վերադառնա ազգային արժույթին, ինչը բացասական արձագանք էր գտել շուկայում։