Դաղստանի Ազգային հակաահաբեկչական կոմիտեի ուժայինները Խասավյուրտովյան մարզում սպանել են երկու զինյալի, ովքեր կապված էին «Իսլամական պետություն» ահաբեկչական խմբավորման հետ՝ տեղեկացնում է Газета.ru-ն։
Զինյալների հետ բախումը տեղի է ունեցել Էնդիրեյ գյուղում։ Նշվում է, որ գործողությանը մասնակցել են Ռուսաստանի ԴԱԾ-ի հատուկ ծառայողները, Ռոսգվարդիայի անդամները եւ ներքին գործերի նախարարության աշխատակիցները։
Տեղեկացվում է, որ սպանված զինյալները կապ ունեն իրավապահ մարմինների վրա հարձակումների եւ ՆԳՆ երկու աշխատակիցների սպանության հետ։
Լրատվամիջոցը նաեւ նշում է, որ ահաբեկիչների ոչնչացման ժամանակ տուժել են ԴԱԾ-ի երկու եւ Ռոսգվարդիայի մեկ աշխատակիցները։ Քաղաքացիական բնակչությունից ոչ ոք չի տուժել։