ԱՄՆ նախագահ Դոնալդ Թրամփը լրջորեն դիտարկում է երկու կանանց թեկնածությունը ՄԱԿ-ում ԱՄՆ մշտական ներկայացուցչի պաշտոնում՝ տեղեկացնում է Politico-ն։
Լրատվամիջոցի տեղեկացմամբ՝ խոսքը Ջեյմի Մաքքորթի եւ Քելլի Քրաֆթի մասին է։ Առաջինն այժմ ԱՄՆ դեսպանն է Ֆրանսիայում եւ Մոնակոյում, իսկ երկրորդը՝ Կանադայում։
Հայտնի է, որ Վաշինգտոնն ուզում է այդ պաշտոնում նշանակել մեկին, ով արդեն աշխատում է Թրամփի աշխատակազմում, եւ այս երկու թեկնածուներն էլ համապատասխանում են այդ պահանջին։ Երկու կանայք մինչ դեսպան նշանակվելը ամերիկյան հատուկ ծառայություններում փորձություն են անցել եւ արդեն հասանելիություն ունեն գաղտնի տեղեկատվությանը։ Նշանակման դեպքում երկուսն էլ այլեւս չեն անցնի այդ երկար գործընթացը։
Քելլի Քրաֆթը Հանրապետական կուսակցությունից միլիարդատեր Ջո Քրաֆթի կինն է։
Ջեյմի Մաքքորթը նախկինում զբաղվել է իրավագիտությամբ եւ բիզնեսով։
