ԱՄՆ նախագահ Դոնալդ Թրամփն իր թվիթերյան էջում գրել է, որ ամերիկյան կողմը պաստոր Էնդրյու Բրանսոնի ազատ արձակման համար Թուրքիայի հետ գործարք չի կնքել՝ տեղեկացնում է Газета.ru-ն։
Նա նաեւ ընդգծել է, որ ինքը գործարք չի կնքում «պատանդների» ազատման համար։ Թրամփը ենթադրել է, որ պաստորի ազատ արձակումը կարող է վերականգնել ԱՄՆ-ի եւ Թուրքիայի միջեւ «լավ, հնարավոր է՝ հիանալի» հարաբերությունները։
Թուրքիան Բրանսոնին ձերբակալել էր լրտեսության եւ ահաբեկչությանն աջակցելու կասկածանքով, որից հետո ԱՄՆ-ը պատժամիջոցներ էր սահմանել երկրի դեմ, ինչը հանգեցրել էր թուրքական լիրայի անկմանը։
Ավելի վաղ հայտնել էին, որ Թրամփը Բրանսոնի հետ կհանդիպի Սպիտակ տանը։
