Կիրակի փրկարարների խումբը Նեպալում Գուրջա Հիմալ գագաթը բարձրանալու ժամանակ ձնամրրիկի հետեւանքով մահացած 9 լեռնագնացների մարմինների հայտնաբերման աշխատանքներն է սկսել, հաղորդում է AFP-ն:
Ուղղաթիռով Հարավային Կորեայից արշավախմբի ճամբարի վայր են ժամանել 4 ուղեկցորդներ:
«Բոլոր 9 մարմինները գտնվել են եւ թիմը զբաղվում է դրանք ներքեւ իջեցնելով», -ասել է փրկարարների առաքելությունը ղեկավարող ուղղաթիռի օդաչու Սիդարտա Գուրունգը:
Գուրունգը նաեւ նկարագրել է դեպքի վյարը, նշել, որ այն ամբողջությամբ ավերված է:
«Ճամբարն այնպիսի տեսք ունի, կարծես դրա վրա ռումբ է ընկել», - ասել է ԱՄՆ-ի շտապ օգնության փրկարարների թիմի անդամը:
Հաղորդվում է, որ մահացած լեռնագնացների արշավախումբը գլխավորել է Հարավային Կորեայից Կիմ Չանգ Հոն, որն առանց լրացուցիչ թթվածնի հաղթահարել է 14 բարձր լեռնագագաթներ:
Ներկայումս մասնագետները հարց են հնչում այն մասին, թե ինչպես կարող էր նման փորձառու թիմը մահանալ, քանի որ ճամբարը մոտ 3500 մ բարձրության վրա էր գտնվում:
Հիշեցնենք, որ նախօրեին Գուրջա Հիմալ գագաթը բարձրանալու ժամանակ ձնամրրիկի հետեւանքով մահացել էր 9 լեռնագնաց: Նրանք բոլորը Հարավային Կորեայի քաղաքացիներ էին: