News
Լրահոս
News
Ուրբաթ
Հունվար 18
Տեսնել լրահոսը

Արարատի մարզում 71-ամյա հիվանդի մահվան մեջ մեղադրվող բժիշկներն արդարացվել են։

Արարատի եւ Վայոց ձորի մարզերի ընդհանուր իրավասության դատարանը բժիշկներ Գեւորգ Գրիգորյանին ու Նելսոն Սուվարյանին արդարացրել է հանցակազմի բացակայության հիմքով։

Նշենք, որ ըստ մեղադրական եզրակացության՝ Նելսոն Սուվարյանը, որը 2015թ. օգոստոսի 31-ին հերթապաբ վիրաբույժ է եղել, ստացիոնար բուժման ընդունված 71-ամյա Գոհարիկ Հարությունյանի հիվանդության ախտորոշումը տվել է ոչ լիարժեք եւ ուշացումով: Մասնավորապես, վիրաբույժը չի ախտորոշել դեռեւս օգոստոսի 27-ին կատարված որովայնի խոռոչի օրգանների համակարգչային շերտագրությամբ ախտորոշված քարային խոլեցիստիտի պերֆորատիվ /թափածածկված/ լինելը, ինչպես նաեւ ենթալյարդային շրջանում ինֆիլտրատի գոյացումը: Ավելին, Սուվարյանին ներկայացվել են օգոստոսի 31-ին արված հետազոտությունների արդյունքները, սակայն անտեսել է դրանք: Նախաքննության տվյալների համաձայն՝ Գոհարիկ Հարությունյանի հիմնական հիվանդության եւ դրա բարդությունների հայտնաբերման եւ բուժման համար օբյեկտիվ խոչընդոտող պատճառներ չեն եղել: Ավելին օգոստոսի 31-ին եւ սեպտեմբերի 1-ին հիվանդի նկատմամբ վիրահատական միջամտություն չիրականացնելու Սուվարյանի պատճառաբանությունները մասնագիտական տեսանկյունից անհասկանալի եւ անընդունելի են` առավել եւս Գոհարիկ Հարությունյանի ստացիոնար բուժման ընդունված լինելու պայմաններում: Գոհարիկ Հարությունյանին այդ ժամկետում անհրաժեշտ շտապ վիրահատությունը Նելսոն Սուվարյանը ժամանակին չի իրականացրել, այլ կատարել է միայն սեպտեմբերի 2-ին, որի հետեւանքով որովայնի խոռոչում շարունակել է զարգանալ թարախաֆիբրինային տեղային տարածուն պերիտոնիտը` կոնգլոմերատի ձեւավորումով: Նելսոն Սուվարյանի կողմից անհրաժեշտ վիրահատության ժամանակին չիրականացնելը եւ հետվիրահատական շրջանում տվյալ բուժհաստատությունում թույլ տրված մյուս թերությունները եւ բացթողումները, ըստ փորձագետների, գտնվում են պատճառահետեւանքային կապի մեջ Գոհարիկ Հարությունյանի մոտ թարախասեպտիկ բարդությունների զարգացման, օրգանիզմի ընդհանուր ծանր ինտոքսիկացիայի խորացման, պոլիօրգանային անբավարարության զարգացման հետ` հանգեցնելով մահվան ելքի սեպտեմբերի 10-ին:

Բաժանմունքի վարիչ Գեւորգ Գրիգորյանն էլ, ունենալով պարտականություններ իրականացնելու իր ենթակայության տակ գտնվող անձնակազմի օպերատիվ ղեկավարություն բուժօգնություն կազմակերպելու համար, կազմակերպելու եւ վերահսկելու բաժանմունքի գործունեությունը, ոչ պատշաճ է իրականացրել իր մասնագիտական պարտականությունները:

 

Տպել
Կարդացեք նաև
Ամբողջը
Ելիզավետ II թագուհու ամուսինը ՃՏՊ-ի է ենթարկվել
Թագուհին եւ հերցոգը Սուրբ ծծնդից գտնվում են Սանդրինհեմյան պալատում․․․
Գերմանիայում ձերբակալվել է Շրի Լանկայի ԱԳՆ ղեկավարի սպանության մեջ մեղադրվողը
Տղամարդը մեղադրվում է արտասահմանյան ահաբեկչական կազմակերպությանն անդամակցելու, սպանության եւ սպանության փորձի մեջ․․․
ԱՄՆ-ում Սպիտակ տան վրա հարձակում պատրաստող 21-ամյա տղամարդ է կալանավորվել
Իրավապահները Թահեբով հետաքրքրվել են անցյալ տարվա մարտին, երբ տեղեկատվություն են ստացել, որ նա արմատականացել է․․․
Կրասնոդարի դատավոր Արսեն Կիրկորովը 18-ամյա ուսանողուհուն վրաերթի ենթարկելուց հետո հրաժարական է տվել
Վկաներից մեկը պնդում է, որ դատավորը հարբած էր: Լրագորղների հետ զրույցում Կիրկորովը հերքել է այդ...
Վանաձորում վթարի է ենթարկվել արձակագիր Սարգիս Գոքորյանը. պատճառը ճանապարհի մերկասառույցն է եղել (ֆոտո)
Վթարի պատճառը եղել է ճանապարհի մերկասառույցը, քանի որ Վանաձորի քաղաքապետարանը միջոցներ չի ձեռնարկել ճանապարհները մշակելու ուղղությամբ...
Պարզաբանումներ՝ ցմահ դատապարտյալների վաղաժամկետ ազատման խնդրի մասին ԵԽ կառույցների մոտեցումների մասին
Մարդու իրավունքների եվրոպական դատարանն իր վճիռներում տարանջատում է պատժի վերանայման եւ պատժի կրումից վաղաժամկետ ազատ արձակման (ցմահ ազատազրկման դեպքում) հնարավորության de jure եւ de facto բաղադրիչները...
Ֆոտոռեպորտաժներ