News
Լրահոս
News
Հինգշաբթի
Մարտ 28
Տեսնել լրահոսը

Մեծ Բրիտանիայի, Գերմանիայի  եւ Ֆրանսիայի արտաքին գործերի նախարարներ Ջերեմի Հանթը, Հայկո Մասը եւ Ժան Իվ Լե Դրիանը հանդես են եկել համատեղ հայտարարությամբ Թուրքիայում անհետացած սաուդցի լրագրող Ջամալ Հաշքաջիի առնչությամբ, փոխանցում է  RT-ն։

«Ազատ խոսքի ու ազատ մամուլի պաշտպանությունը եւ լրագրողների անվտանգության ապահովումը հիմնական առաջնահերթություններ են Գերմանիայի, Միացյալ Թագավորության եւ Ֆրանսիայի համար: Համաձայն այս ապեկտների՝ սաուդցի լրագրող Ջամալ Հաշքաջիի անհետացման դեպքի առնչությամբ լույս պետք է սփռվի»,-ասված է նախարարների հայտարարությունում։  

Դիվանագետները նշել են, որ իրենց երկրները կիսում են լուրջ մտահագությունը, այս թվում՝ ԵՄ-ի արտաքին գործերի եւ անվտանգության քաղաքականության գերագույն ներկայացուցիչ Ֆեդերիկա Մոգերինի եւ ՄԱԿ-ի գլխավոր քարտուղարի կողմից, ինչպես նաեւ միջադեպին «շատ լուրջ» են վերաբերում:

ԱԳ նախարարները հույս են հայտնել, որ Սաուդյան Արաբիայի իշխանությունները ամբողջական եւ պատշաճ պատասխան կտրամադրեն լրագրողի անհետացման առնչությամբ։

Սաուդցի լրագրող Հաշքաջին, ով 2017 թվականից Washington Post-ի մեկնաբան է, անհետացել է Թուրքիայում Սաուդյան Արաբիայի հյուպատոսություն մտնելուց հետո։ Սաուդյան դիվանագետները պնդում են, որ լրագրողն անհետացել է հյուպատոսությունից դուրս գալուց հետո։

Թուրքիայի նախագահ Ռեջեփ Թայիփ Էրդողանը հայտարարել է, թե Սաուդյան Արաբիան պետք է ապացուցի, որ լրագրողի անհետացման հետ կապ չունի։

ԱՄՆ նախագահ Դոնալդ Թրամփը հայտարարել է, որ Վաշինգտոնը մտադիր է բացահայտել սաուդցի ընդդիմադիր լրագրողի հետ կապված իրավիճակը, եւ եթե դրա հետեւում կանգնած է Էր Ռիադը, ապա «դաժան պատիժը» չի բացառվում։

Իր հերթին բրիտանական կողմը սաուդյան պաշտոնյաների եւ ուժային կառույցների ներկայացուցիչների ցուցակ է պատրաստում, որոնց դեմ Լոնդոնը կարող է պատժամիջոցներ սահմանել Հաշքաջիի գործի պատճառով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ում կարծում են, որ ահաբեկչության դեմ պետք է պայքարել միայն միասին
Ահաբեկչության դեմ պետք է պայքարել միասին...
Եվրոպայում 11-ից 15 տարեկան գրեթե յուրաքանչյուր վեցերորդ երեխան կիբերհարձակման է ենթարկվում
ՄԱԿ-ի գործակալությունը նշել է, որ համաճարակը փոխել է դեռահասների պահվածքը միմյանց նկատմամբ...
Գազայի հատվածում մեծ և աճող անհանգստություն կա. Ամերիկացի դիվանագետ
«Իսրայելցիները տեսան այս բանաձևը և դա նրանց դուր չեկավ...
ՄԱԿ-ի զեկուցողը ենթադրել է, որ Իսրայելը պաղեստինցիների ցեղասպանություն է իրականացնում
Կան համոզիչ հիմքեր ենթադրելու, որ Իսրայելը ցեղասպանություն է իրականացնում...
ՄԱԿ գլխավոր քարտուղարը կոչ է արել ռեպարացիաներ վճարել ստրկության համար
Գուտերիշը ռեպարացիաների վճարման կոչ է արել...
ՀԱՄԱՍ-ը շնորհակալություն է հայտնել ՄԱԿ-ին, իսկ Իսրայելը որոշել է շարունակել պատերազմը
ՀԱՄԱՍ-ն իր հերթին շնորհակալություն է հայտնել ՄԱԿ-ի Անվտանգության խորհրդին...
Ամենաշատ