News
Լրահոս
News
Երկուշաբթի
Նոյեմբեր 19
Տեսնել լրահոսը

ԱՄՆ նախագահ Դոնալդ Թրամփը օգոստոսի վերջին ծրագրել էր Թուրքիայից հետ կանչել ամբողջ դիվանագիտական անձնակազմին ամերիկացի պաստոր Էնդրյու Բրանսոնի տնային կալանքի հետ կապված, հայտնում է ABC News հեռուստաալիքը՝ վկայակոչելով Պետդեպարտամենտում եւ ԱՄՆ նախագահի աշխատակազմում իր աղբյուրներին, փոխանցում է «ՌԻԱ Նովոստի»–ն։

Ավելի վաղ Իզմիրի դատարանը ամերիկացի հոգեւորական Էնդրյու Քրեյգ Բրանսոնին ազատ արձակելու որոշում էր կայացրել։ Դատարանը նրան մեղավոր է ճանաչել՝ դատապարտելով 3 տարի 1 ամիս ազատազրկման, սակայն հաշվի է առել նրա կալանքի տակ գտնված ժամանակահատվածը՝ ազատ արձակելու որոշում է կայացրել եւ նրա վրայից հանել է խափանման բոլոր միջոցները, այս թվում երկրի սահմանները լքելու արգելքը։ պաստորը դրանից հետո լքել է Թուրքիան։

«Ինչ–որ ժամանակ մենք վախենում էինք Թուրքիայի հետ հարաբերությունների խզումից»,–հայտարարել է ՊԵտ

Աղբյուրը հավելել է, որ դիվանագետների հետկանչը կսկսվեր գործերի հավատարմատարից, քանի որ Թուրքիայում 2017 թվականի հոկտեմբերից ԱՄՆ դեսպան չկա, այդպիսով նա ամենաբարձր աստիճանի դիվանագետն էր։  

Մի տեղեկացված բարձրաստիճան պաշտոնյա հայտնել է հեռուստաալիքին, որ նախագահը ծրագրում էր փակել ԱՄՆ դեսպանատունը եւ ՆԱՏՕ–ի բոլոր դիվանագիտական առաքելությունները 60 օրվա ընթացքում։

Աշխատակազմում երկու աղբյուր հայտնել են, որ պետքարտուղար Մայք Պոմպեոն դիմակայություն է ցուցաբերել տվյալ պլանի դեմ՝ նշելով, որ այն կարելի է դիտարկել որպես ծայրահեղ միջոց, քանի որ այդ քայլը կարող է անշրջելի վնաս հասցնել ՆԱՏՕ–ի գծով ԱՄՆ–ի հիմնական դաշնակիցներից մեկի հետ հարաբերություններին։

Հեռուստաալիքը նշում է, որ պետդեպարտամենտը հերքում է այսպիսի ծրագրի առկայություն, Սպիտակ տունը հրաժարվել է մեկնաբանել այս տեղեկությունը։

!
Այս նյութը հասանելի է նաև   Русский
Տպել
Ամենաշատ
Partner news