News
Լրահոս
News
Երկուշաբթի
Ապրիլ 22
Տեսնել լրահոսը

Հայաստանը շատ մեծ գիտական ներուժ ունի։ Այս մասին NEWS.am–ի հետ զրույցում ասաց ԱՊՀ գործադիր կոմիտեի նախագահի տեղակալ, ԱՊՀ գիտնականների 2-րդ համաժողովում Բելառուսը ներկայացնող Սմագուլով Դինկենովիչը։ Նրա խոսքով՝ Հայաստանում անցկացվող ԱՊՀ գիտնականների 2-րդ համաժողովը շատ լավ հարթակ է հիմնարար և կիրառական գիտությունների զարգացման, արդիական հարցեր քննարկելու համար։

Ըստ նրա՝ բավականին արդիական է գիտական հետազոտությունների արդյունքների ներդրումը արտադրության մեջ, ինչպես նաև նոր տեխնոլոգիաների, նորարարական նոր արտադրությունների մշակումը ինչպես ՀՀ–ում, այնպես էլ ԱՊՀ մյուս երկրներում։

«Այստեղ են ժամանել ԱՊՀ բոլոր երկրներից գիտնականներ, այս թվում՝ գիտությունների ազգային ակադեմիաներից, պետական գիտական հիմնադրամներից, մասնավոր գիտական հիմնադրամներից, բիզնեսի ներկայացուցիչներ, որոնք չափազանց հետաքրքրված են այս գիտական մտահաղացումների իրականացմամբ։ ՀՀ–ի, Բելառուսի, Ղազախստանի ԳԱԱ ներկայացուցիչների զեկույցները ապացուցում են բիզնեսի ու գիտության միջև համագործակցության աշխուժացումը, դա շատ լավ միտում է, որը անհրաժեշտ է սատարել։ ԱՊՀ շրջանակներում շատ մեծ գործ է կատարվում նաև գիտության հռչակման, գիտական գործունեության մեջ երիտասարդներին, դպրոցականներին ներգրավելու համար»,–ասաց նա։

Համաժողովում Ռուսաստանի ներկայացուցիչ, ՌԴ սոցիալական ծրագրերի աջակցության ազգային հիմնադրամի ղեկավար Անդրեյ Նիկոլաեւիչը մեզ հետ զրույցում նշեց, որ նման միջոցառումների անցկացումը շատ կարեւոր է գիտության ոլորտի զարգացման համար։  

«Այսօր, երբ գիտությունը առանց բիզնեսի գոյություն ունենալ փաստացի չի կարող, պետք է բիզնեսի համար գիտական լուծումների կիրառման պրակտիկա լինի, տեղեկության փոխանակման, փոխգործակցության նոր հարթակներ»,–նշեց նա։

Ռուսատանի ներկայացուցիչը նույնպես այն կարծիքին է , որ Հայաստանի գիտական ներուժը  միշտ մեծ է եղել։

«Այսօր տեսնում ենք հայկական գիտական հանրության հետաքրքրությունը դեպի միջազգային պրակտիկան, համագործակցությունը, փոխգործակցությունը այն լուծումներին, որոնք կարող են հետաքրքրել բիզնեսին։ Ես կարծում եմ, որ ամեն ինչ պետք է անել այս ներուժի զարգացման համար»,–նշեց նա։

Հիշեցնենք, որ այսօր՝ հոկտեմբերի 15–ին ՀՀ ԳԱԱ–ում մեկնարկել է ԱՊՀ գիտնականների երկրորդ ֆորումը, որի նպատակն է ակտիվացնել եւ զարգացնել ԱՊՀ երկրների գիտական հաստատությունների գիտատեխնիկական համագործակցությունը, խթանել համատեղ գիտահետազոտական աշխատանքների իրականացումը, մշակել առաջարկություններ ԱՊՀ երկրների ինովացիոն քաղաքականության զարգացվամ համար, ինչպես նաեւ նպաստել ԱՊՀ երկրների երիտասարդության շրջանում գիտության տարածմանը, փորձի փոխանակմանը։ Միջոցառման ավարտին ֆորումը կընդունի հռչակագիր։

Տպել
Կարդացեք նաև
Ամբողջը
ԱԺ նախագահ Արարատ Միրզոյանի գլխավորած պատվիրակությունը մասնակցել է ԱՊՀ ՄԽՎ 49-րդ լիագումար նստաշրջանի աշխատանքներին
Լիագումար նիստի ավարտին Ազգային ժողովի նախագահը մասնակցել է անդամ պետությունների խորհրդարանների ղեկավարների...
«Հայ-ղազախական երկկողմ ապրանքաշրջանառությունը ավելացել է 2.5 անգամ». Արարատ Միրզոյան
Արարատ Միրզոյանը նշել է, որ ԱՊՀ ՄԽՎ-ն տարիների ընթացքում արդյունավետ հարթակ է հանդիսացել անդամ պետությունների խորհրդարանների երկխոսության համար...
Արարատ Միրզոյանը մասնակցել է ԱՊՀ միջխորհրդարանական վեհաժողովի խորհրդի նիստին
Դիտորդական առաքելության եզրակացությամբ նշվել է, որ, ըստ դիտորդների` Կենտրոնական ընտրական հանձնաժողովի....
Արարատ Միրզոյանի գլխավորած պատվիրակությունը կմեկնի Սանկտ Պետերբուրգ
Այցի ընթացքում նախատեսվում են ԱԺ նախագահի ինչպես երկկողմ հանդիպումներ իր Գործընկերների...
Պաշտպանության նախարարն ընդունել է ԱՊՀ ՀՕՊ համադրման կոմիտեի նիստի մասնակիցներին
Հանդիպման ընթացքում քննարկվել են ԱՊՀ ՀՕՊ համակարգի զարգացման հիմնական ուղղությունները, հակաօդային պաշտպանության խնդիրներ...
Անցկացվել է ԱՊՀ հակաօդային պաշտպանության համադրման կոմիտեի հոբելյանական նիստը
Հոբելյանական նիստի բացմանը մասնակցել է ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը...