News
Լրահոս
News
Ուրբաթ
Մարտ 29
Տեսնել լրահոսը

Ես մեծագույն կանխատեսում ունեմ, որ, ասենք, 3-րդ եւ 4-րդ քաղաքական ուժերը  կարող են անգամ չմոտենալ 1 տոկոսի սահմանագծին: Այս մասին NEWS.am-ի հետ զրույցում նշեց ԲՀԿ գլխավոր քարտուղար, «Ծառուկյան» խմբակցության պատգամավոր Նաիրա Զոհրաբյանը:

Նրա խոսքով, «Ծառուկյան» խմբակցությունը սկզբունքորեն մի քանի դիտարկումներ ունի ընտրական օրենսգրքի նոր փոփոխությունների վերաբերյալ. «Մենք փակ համամասնական ընտրակարգին կողմ ենք եւ միշտ նշել ենք, որ ռեյտինգային ընտրակարգը սզկբունքորեն ապաքաղաքականացնում է  ընտրությունները: Քրեական օրենսգրքում ընտրակեղծարարության համար պատժաչափերը եւս ընդունելի են»,-ասաց Զոհրաբյանը:

Ինչ վերաբերում է նրան, որ նոր ընտրական օրենսգրքով առաջարկվում է, որ նվազագույնը 4 քաղաքական ուժ պետք է անցնի խորհրդարան (հիմա այդ թիվը 3 է-խմբ), անկախ նրանից, թե այդ կուսակցությունները որքան քվե կստանան, այստեղ «Ծառուկյան» խմբակցությունը խնդիր է տեսնում. «Ընտրության նպատակն այն է, որ խորհրդարանը ներկայացնի հանրության շրջանում առավելագույն աջակցություն ունեցող ուժերին: Եթե մենք արհեստականորեն քվոտավորում ենք՝ ասելով, որ անկախ նրանից, թե տվյալ քաղաքական ուժերը աջակցություն ունեն, թե ոչ, 4 ուժ պարտադիր պետք է անցնեն եւ հնարավոր է, որ ասենք, 3-րդ կամ 4-րդ ուժերը ունենա զրո ամբողջ քանի տոկոս աջակցություն, այստեղ մենք խնդիր տեսնում ենք հենց ժողովրդավարության առումով: Որքանո՞վ է ժողովրդավար, որ մենք արհեստականորեն քվոտա դնենք եւ խորհրդարան անցնեն ուժեր, որոնք հանրային վստահությունը զրո ամբողջ զրո քանի տոկոս է: Բայց քանի որ կա քվոտա, իրենք պարտադիր պետք է անցնեն: Մենք վաղը այդ դրույթը կփորձենք քննարկել ու բանակցել փոխվարչապետի հետ»,-հայտարարեց Նաիրա Զոհրաբյանը:

Դիտարկմանը, որ գործող օրենսգրքով էլ շեմ կա, նախատեսված է, որ նվազագույնը 3 ուժ պետք է լինեն խորհրդարանում, Նաիրա Զոհրաբյանը նկատեց. «Երբ մենք բարձրացնում ենք շեմը, այսինքն նաեւ 4-րդ ուժին ենք տալիս հնարավորություն, էստեղ խնդիր է առաջանում, որ վստահելիության տոկոսը նվազեցնում ենք: Հաշվի առնելով ներքաղաքական սպեցիֆիկ  իրավիճակը, նաեւ այն, թե ինչ պատկեր կարող է լինել, ռեալ պոլիտիկից ելնելով մենք կարող ենք այսօր ենթադրել, թե որ քաղաքական ուժը ինչ քվե է ստանալու: Ես մեծագույն կանխատեսում ունեմ, որ, ասենք, 3-րդ եւ 4-րդ քաղաքական ուժերը  կարող են անգամ չմոտենալ 1 տոկոսի սահմանագծին, եթե մենք խոսում ենք անկեղծ ու բաց: Բայց քանի որ շեմը ամրագրված է, ուրեմն անցնելու են:

Որեւէ տարբերակ չենք բացառում, բայց այդ դրույք կքննարկենք եւ կփորձենք տեսակետները մերձեցնել»:

Ինչ վերաբերում է անցողիկ շեմը մեկական տոկոս իջեցնելուն,  «Ծառուկյան» խմբակցության անդամը նշեց, որ առավոտյան խմբակցությունը քննարկելու է այդ հարցը, բայց ինքն անձամբ  նման նպատակահարմարություն չի տեսնում. «Եթե քաղաքական ուժը հանրության շրջանում 5 տոկոս վստահության քվե չունի, շեմը նվազեցնելը հրատապ խնդիր չեմ համարում»:

Նշենք, որ Ընտրական օրենսգրքի նախագիծը նախատեսում է անցողիկ շեմը կուսակցությունների համար սահմանել 4 տոկոս (հիմա 5 տոկոս է), իսկ դաշինքների համար՝ 6 տոկոս (հիմա 7 տոկոս է): Բացի այդ առաջարկվում է, որ խորհրդարանում պետք է ներկայացված լիի նվազագույնը 4 քաղաքական ուժ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ տարածքից երրորդ երկրներ արտահանվող թանկարժեք մետաղների նկատմամբ քվոտա սահմանվեց
Կառավարությունն իր այսօրվա՝ փետրվարի 29-ին «Վերամշակում՝ մաքսային...
ԱՆԻՖ-ի պայմանագրային ներդրումային ֆոնդը ներդրում կիրականացնի «ԵՄ-Հայաստան ՓՄՁ Ֆոնդում»
Ֆոնդում մասնակցություն կունենա նաև Նիդերլանդների ձեռնարկատիրական զարգացման բանկը՝ FMO-ն, որի բաժնետոմսերի մեծամասնությունը պատկանում է...
Փաշինյանը նշել է Հայաստանում հեղափոխության հաղթանակի գինը՝ 200 հազար դոլար
Նրա խոսքով՝ արդյունքում իրավիճակը Հայաստանում այնպես է փոխվել, որ «այժմ ասյտեղ չկան մենաշնորհներ»...
Ռուսական խոշոր «Վեդոմոստի» պարբերականի ընթերցողները Փաշինյանին տարվա քաղաքական գործիչ են ընտրել
Պարբերականի խմբագրությունը տարվա քաղաքական գործիչ է ընտրել Գերմանիայի կանցլեր Անգելա Մերկելին, իսկ ընթերցողները նախապատվությունը տվել են հայ առաջնորդին…
Հայաստանում գործարաններ են ստեղծվում մի քանի հազար աշխատատեղով. Փաշինյանը թվերով խոսեց ներդրումների մասին
Հայկական բրենդով հեռուստացույց եւ կենցաղային տեխնիկա է արտադրվելու...
Լենա նազարյանը պնդում է ՝ խոստումները կատարել են, աշխատավարձերի բարձրացում էլ եղել է
Նման քայլեր կլինեն պետական այլ ծառայողների, ուսուցիչների, իրավապահ մարմիններում աշխատող մարդկանց նկատմամբ...
Ամենաշատ