ԻԻՀ ԱԳՆ պաշտոնական ներկայացուցիչ Բահրամ Քասեմին հերքել է ռումբի մասին հաղորդագրության պատճառով Անկարայում Իրանի դեսպանատան տարհանման մասին տեղեկությունը, փոխանցում է «ԻՌՆԱ»–ն։ Նրա խոսքով՝ Անկարայում Իրանի դեսպանատան աշխատակիցները շարունակում են իրենց բնականոն աշխատանքը։ Ներկայումս փողոցը, որտեղ տեղակայված է դեսպանատունը, փակված է եւ ոստիկանության ուժերը անվտանգության միջոցներ են ձեռք առել։  

Ավելի վաղ հաղորդվել էր, որ Թուրքիայի ոստիկանությունը տարհանել է Անկարայում Իրանի դեսպանատան աշխատակիցներին ծրագրվող ահաբեկչության մասին տեղեկություն ստանալուց հետո։