News
Լրահոս
News
Չորեքշաբթի
Ապրիլ 24
Տեսնել լրահոսը

Հոկտեմբերի 15-ին Արցախի Հանրապետության արտաքին գործերի նախարար Մասիս Մայիլյանն ընդունել է ճանաչողական այցով Արցախ ժամանած Ֆրանկոֆոն մամուլի միջազգային միության վարչության մի խումբ անդամների։

Արցախի ԱԳՆ-ից NEWS.am-ին հայտնում են, որ Մայիլյանը ողջունել է պատվիրակության անդամների այցն Արցախ, որը հնարավորություն է տալիս ծանոթանալու Արցախի պատմությանը, մշակույթին, ինչպես  նաեւ արցախցիների առօրյային։

Հանդիպման ընթացքում Մասիս Մայիլյանը ներկայացրել է Արցախի արտաքին քաղաքականության գերակա ուղղությունները։ ԱԳՆ ղեկավարը, մասնավորապես, անդրադարձ է կատարել ադրբեջանա-ղարաբաղյան հակամարտության կարգավորման ներկա փուլին եւ դրա շուրջ Արցախի դիրքորոշմանը, ինչպես նաեւ հանրապետության միջազգային ճանաչման եւ արտաքին կապերի զարգացման ուղղությամբ արձանագրված ձեռքբերումներին։

Մասիս Մայիլյանը նշել է, որ Արցախում կարեւորում են ֆրանսախոսության զարգացումը, որի նպատակն է հաղորդակից լինել ֆրանսիական մշակույթին ու լեզվին եւ մաս կազմել ֆրանկոֆոն ընտանիքի։ Այս համատեքստում ԱԳ նախարարն ընդգծել է, որ Արցախում ամբողջովին կիսում են Ֆրանկոֆոնիայի գաղափարներն ու արժեքները, մասնավորապես, ժողովրդավարության, մարդու իրավունքների եւ հիմնարար ազատությունների սկզբունքները։

Մասիս Մայիլյանը նաեւ պատասխանել է հանդիպման մասնակիցների հարցերին։

Հայաստանի Հանրապետությունում անցկացված Ֆրանկոֆոնիայի 17-րդ գագաթաժողովի շրջանակներում հոկտեմբերի 9-12-ը կայացել է Ֆրանկոֆոն մամուլի միջազգային միության 47-րդ համաժողովը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է
Նշանակված են փորձաքննություններ, նախաքննությունը շարունակվում է...
Քաշաթաղում դայակի կողմից՝ որդուն ծեծելու վերաբերյալ հաղորդումը չի հաստատվել
Որդուն ծեծելու հանգամանքները ընդհանրապես տեղի չի ունեցել և չեն համապատասխանում իրականությանը...
Հայաստանի կառավարությունը պետք է բացատրություն տա, թե ինչ է տեղի ունենում Ղարաբաղի շուրջ. քաղաքագետ
Հայաստանի կառավարությունը պետք է բացատրություն տա...
Տվեք հնարավորություն մասնակցել եւ պարտվել, թե՞ գիտեք, որ հաղթելու ենք. Սամվել Բաբայան
Ցանկություն չկա անօրեն քայլերի գնալ, դրա համար հետաձգել ենք ստորագրահավաքը...
Արցախի ՄԻՊ-ի միջամտությամբ փախստական ընտանիքին տրամադրվել է վարձավճարի փոխհատուցում
Պաշտպանի միջամտությամբ կատարվել է քաղաքացու բնակարանային պայմանների ու փաստաթղթերի լրացուցիչ ուսումնասիրություն, և արդյունքում փոխհատուցվել է նրա բնակվարձը՝ ամսական համարժեք գումարի չափով...
Ստեփանակերտում տեղի է ունեցել Արցախի Պահպանողական կուսակցության հիմնադիր համագումարը
Ստեփանակերտում կայացել է Պահպանողական կուսակցության հիմնադիր համագումարը...
Ամենաշատ