Էկվադորում առգրավվել է ավելի քան 1,2 տոննա կոկաին, հայտնում է երկրի ՆԳՆ-ն: Գերատեսչության տեղեկացմամբ՝ թմրավաճառների դեմ միաժամանակ անցկացվել է 3 գործողություն: Արդյունքում ամենամեծ խմբաքանակը՝ գրեթե 0,7 տոննա, առգրավվել է Գույակիլում: Այնտեղ ձերբակալել են նաեւ 4 մարդու, որոնք կապված էին ապօրինի բեռան խմբաքանակի հետ, փոխանցում է «ՌԻԱ Նովոստի»-ն:
Եվս ավելի քան 0,3 տոննա հայտնաբերվել է երկրի ափերի մոտ արագընթաց նավում: Ձերբակալվել է նաեւ 3 մարդուց կազմված անձնակազմը:
0,2 տոննա կոկաին էլ առգրավվել է Գալապագոսյան կղզիներում՝ եւս 2 մարդու ձերբակալմամբ:
