Այսօր կարեւոր օր է, Հայաստանը թեւակոխում է մի նոր կարեւոր շրջափուլ: Այս մասին, այսօր՝ հոկտեմբերի 16-ին, կառավարության նիստի սկզբում հայտարարեց ՀՀ վարչապետ Նիկոլ Փաշինյանը:
«Այդ շրջափուլի հիմնական իմաստը կարող ենք ձեւակերպել հետեւյալ կերպ. Այս շրջափուլի արդյունքներով մենք պետք է ավարտին հասցնենք գարնանը տեղի ունեցած թավշյա, ոչ բռնի հեղափոխությունը: Այդ մասին ես ավելի կոնկրետ հանդես կգամ այսօր երեկոյան»,-հայտարարեց Փաշինյանը:
Ավելի վաղ NEWS.am-ը հայտնել էր, որ ՀՀ վարչապետ Նիկոլ Փաշինյանն օրեր առաջ հայտարարել էր, որ հոկտեմբերի 16-ին հրաժարական կտա, իսկ դեկտեմբերի 9-10-ին տեղի կունենան արտահերթ խորհրդարանական ընտրություններ: