Ես գեներալի որդուն աշխատանքի չեմ նշանակում: Այս մասին այսօր՝ հոկտեմբերի 16-ին, կառավարության նիստից հետո լրագրողների հետ հանդիպման ժամանակ նշեց ՊԵԿ նախագահ Դավիթ Անանյանը:
Դիտարկմանը, որ Մարտի 1-ի դեպքերից հետո գեներալի կոչում ստացած ԱԱԾ գեներալ-մայոր Զավեն Նանյանի որդին ՊԵԿ-ում պաշտոն է ստացել, Դավիթ Անանյանը նշեց. «Հնարավոր է, որ պաշտոն է ստացել: Ես եմ նշանակում, բայց ես գեներալի որդուն չեմ նշանակում, նշանակում եմ կոնկրետ անձնավորությանը իր պրոֆեսիոնալ ունակությունների համար: Նշանակումները կատարվում են պրոֆեսիոնալիզմից ելնելով»:
