Միլի Մեջլիսի խոսնակ Օքթայ Ասադովը սպառնացել է փակել բուֆետը, որը գործում է խորհրդարանի շենքի ներսում։

haqqin.az–ը հայտնում է, որ դրա պատճառը եղել է այն, որ պատգամավորները չափազանց շատ ժամանակ են անցկացնում բուֆետում եւ բացակայում են օրենքների քննարկումների ժամանակ։ Այսպես, օրինակ, «Երեխաներին վնասակար տեղեկությունից պաշտպանության մասին» օրինագծի քննարկման ժամանակ միայն 79 պատգամավոր է ներկա եղել, ինչը զայրացրել է խոսնակին. «Կարծես թե ստիպված կլինենք փակել այն տեղը, որտեղ դուք թեյ եւ սուրճ եք խմում»,–ասել է նա։