News
Լրահոս
News
Շաբաթ
Սեպտեմբեր 21
USD
476.13
EUR
525.98
RUB
7.47
ME-USD
0.08
Տեսնել լրահոսը

Սեպտեմբերի վերջի դրությամբ մոտ 26-28 հազարով ավելացել են աշխատանքի ընդունված քաղաքացիները: Այս մասին այսօր՝ հոկտեմբերի 16-ին, կառավարության նիստից հետո լրագրողների հետ հանդիպման ժամանակ նշեց ՊԵԿ նախագահ Դավիթ Անանյանը՝ անդրադառնալով հարցին, թե արդյոք հայտնի օլիգարխներին պատկանող ընկերություններում, այդ թվում սուպերմարկետներում սկսել են լրիվ օրինական աշխատել:

Հարցին, թե կա՞ն մեխանիզմներ, որ տնտեսվարողները գրանցեն իրենց բոլոր աշխատակիցներին, ՊԵԿ նախագահը դրական պատասխան տվեց. «Մենք պարբերաբար ստուգումների միջոցով այս կամ այն գործատուի մոտ հայտնաբերում ենք չգրանցված աշխատողներին»:

Դիտարկմանը, թե ստացվում է, որ ՊԵԿ-ը նախկինում լավ չի՞ աշխատել, որ հեղափոխությունից հետո գրանցված աշխատակիցների թիվն աճել է 28 հազարով, Դավիթ Անանյանը պատասխանեց. «Այո, բայց դա չի նշանակում, որ հիմա բոլոր հարցերը կարգավորված են: Հիմա էլ ինչ-որ X ժամանակ հետո պետք է ավելի լավ աշխատենք: Եթե մենք համադրության մեջ ենք դնում նախկինն ու ներկան, միշտ հիշեք, որ այսօրվա ներկան ապագայի նախկինն է, հետեւաբար ապագայում այսօրն էլ վատն է լինելու»:

Նա նկատեց, որ բոլոր տնտեսվարողների, այդ թվում հանրությանը հայտնի գործարարների մոտ էլ կա աշխատակիցների աճ, բայց դա կարող է լինել նաեւ նրա արդյունք, որ զարթոնքից ելնելով տնտեսական աճ է եղել:

«Աշխատողների գրանցումը յուրաքանչյուր անձի մեջ ներքին հեղափոխության արդյունք էր, որը տնտեսության հետ ոչ մի առնչություն չունի»,-ասաց Դավիթ Անանյանը:

Հարցին, թե այսինքն Սամվել Ալեքսանյանի մեջ հեղափոխությո՞ւն է եղել, ՊԵԿ նախագահն արձագանքեց. «Բոլորի, ինչո՞ւ եք թերագնահատում մարդկանց: Բոլորն էլ ազատագրվել են, բոլորի մոտ էլ ներքին հեղափոխությունը հաղթանակել է»:

Նա անդրադարձավ նաեւ մենաշնորհներին՝ նշելով. «Պետք է իրատես լինել, եթե տասնամյակների ընթացքում որեւէ անձ կամ որեւէ անձանց խումբ որեւէ ոլորտում ունեցել է գերիշխող կամ մենաշնորհային դիրք, հիմա երբ մենք բոլոր կապանքներից ազատում ենք բոլորին, արդեն գրաված շուկաներում մեկ այլ անձի կողմից մուտք գործելը օբյեկտիվ խոչընդոտներ կարող է ունենալ, բայց դրանո շուկայից թելադրվող խոընդոտներ են»:

Տպել
Կարդացեք նաև
Ամբողջը
Դոլարի փոխարժեքը նվազել է. եվրոն նույնպես էժանացել է
Թանկարժեք մետաղների համար բանկի կողմից սահմանվել են հետեւյալ գները…
Շահառուների թիվը շատ ավելին է հայտարարվածից. պատգամավորի նկատողությունը ՊԵԿ ղեկավարին
Վարչապետը մի քանի ամիս առաջ այլ տվյալներ ներկայացրեց...
ԱԺ-ն 1-ին ընթերցմամբ միաձայն հավանություն տվեց ՀՕ-ում փոփոխություններ եւ լրացումներ կատարելու մասին օրինագծին
Օրինագծին կողմ քվեարկեցին 92 խորհրդարանականներ…
Կադաստրի 21 գրասենյակներ այսօր կաշխատեն մեկ ժամ ավելի
«Արաբկիր» գրասենյակը վաղը չի աշխատի, ի տարբերություն «սովորական» շաբաթ օրերի...
Ամենադժվարը նրանց դեպքում է, ովքեր երբեք գույքահարկ չեն վճարել, բայց մենք պոպուլիզմին տուրք չենք տալու.Սարհատ Պետրոսյան
ԱՄՀ-ի պատվիրակները ստացան անշարժ գույքի կադաստրային գնահատման վերաբերյալ օրինագծի շուրջ իրենց հուզող հարցերի պատասխանները...
«Նաիրիտ» ՓԲԸ-ն եւ «Արմավիա» ընկերությունը պետությանը պարտք են 47 մլրդ դրամ. ՊԵԿ
«Նաիրիտ»-ը պարտք է 10 մլրդ, «Արմավիա»-ն՝ 37 մլրդ...