News
Լրահոս
News
Երկուշաբթի
Նոյեմբեր 12
Տեսնել լրահոսը

Թուրքիան ներկա պահին լրագրող Ջամալ Հաշքաջիի ճակատագրի վերաբերյալ դեռեւս Սաուդյան Արաբիայից որեւէ խոստովանություն չի ստացել։ Այս մասին երեքշաբթի Անկարայում հրավիրված մամուլի ասուլիսի ժամանակ հայտարարել է Թուրքիայի ԱԳ նախարար Մեւլութ Չավուշօղլուն՝ տեղեկացրել է TRT հեռուստաալիքը։

«Մեզ պետք է իմանալ, թե ինչ է կատարվել այդ մարդու հետ։ Առայժմ մենք այդ մասին որեւէ խոստովանություն կամ տեղեկատվություն չենք ստացել»,- ասել է նախարարը։ Այսպես է նա մեկնաբանել CNN-ի այն հաղորդագրությունը, թե իբր Սաուդյան Արաբիան պատրաստվում է լրագրողի մահվան կապակցությամբ խոստովանություն անել։

Չավուշօղլուն հայտնել է, որ հետաքննությունը շարունակվում է, եւ Ստամբուլում Սաուդյան Արաբիայի դիվանագիտական ներկայացուցչություններում անցկացվում են հերթական քննչական գործողությունները։ «Այդ մարդը եկել է հյուպատոսություն՝ ամուսնության համար թղթեր ստանալու։ Դա հարցաքննությունների տեղ չէ։ Հարցաքննություններն անցկացվում են դատարաններում եւ այլ համապատասխան հաստատություններում»,- նշել է Չավուշօղլուն։

!
Այս նյութը հասանելի է նաև   Русский
Տպել
Partner news