News
Լրահոս
News
Չորեքշաբթի
Ապրիլ 24
Տեսնել լրահոսը

Եթե իշխանությունն ուզում է կատարել իր խոստումը եւ բարեփոխել ընտրական օրենսգիրքը, ապա նոր կազմակերպել ընտրություններ, ապա պետք է ընտրությունները հետաձգել: Այս մասին այսօր՝ հոկտեմբերի 16-ին, ԱԺ-ում լրագրողների հետ զրույցում նշել է ՀՀԿ խմբակցության պատգամավոր, ՀՀԿ փոխնախագահ Արմեն Աշոտյանը:

Նրա խոսքով, հնարավոր չէ մի կողմից արագացնել Ընտրական օրենսգրքի նման հապճեպ քննարկումը, եթե չկա քաղաքական լայն ներգրավում, չկան Վենետիկի հանձնաժողովի, ԵԱՀԿ/ԺՀՄԻԳ-ի փորձագիտական կարծիքները, եթե Ընտրական օրենսգիրքն ընդունելուց հետո առնվազն 6 ամիս ժամանակ չի տրվելու քաղաքական ուժերին հարմարվելու այդ օրենսգրքին, մյուս կողմից այդ ԱԺ-ին համարել այդ փաստաթղթի համահեղինակ:

«Իշխանությունը պետք է որոշում կայացնի. կամ դեկտեմբերյան արտահերթ ընտրություններ, կամ նոր ընտրական օրենսգիրք: Այս երկու քաղաքական որոշումները ինձ համար միաժամանակ համադրելի չեն զուտ ժողովրդավարական ու քաղաքագիտական տեսակետից:

Նոր ընտրական օրենսգիրքը, որը ենթադրում է ընտրակարգի փոփոխություն, պետք է առնվազն 6 ամիս ժամանակ տա քաղաքական ուժերին: Եթե այդ ժամանակը չի տրվելու, ապա ԸՕ նման հապճեպ բարեփոխումները ես ֆարս կհամարեմ»,-հայտարարեց Աշոտյանը:

Նա խոստովանեց, որ ՀՀԿ-ի կարծիքը կարող է որոշիչ չլինել քվեարկության ժամանակ, որովհետեւ եթե իշխանություններն այս ընթացքում կարողացել են մոբիլիզացնել տարբեր պատգամավորների տարբեր օրակարգերի շուրջ, ապա սահմանադրական օրենքը փոփոխելու համար անհրաժեշտ 63 ձայները կարող են հավաքել նաեւ առանց ՀՀԿ-ի:

Աշոտյանը նշեց, որ եթե կառավարությունն արդեն այսօր անտեսում է իր ծրագրում ներառված մեկ տարվա ընթացքում համապատասխան փոփոխություններ կատարելու խոստումը, ապա կարելի է ենթադրել, թե ինչպիսի արագությամբ կանտեսվեն տարբեր այլ խոստումներ. «Սա ինձ համար ախտանշան է, որ կառավարությունը չի պատրաստվում իր հիմնական անկյունաքարային խոստումներին տեր լինել, ինչը մտահոգիչ է»,-ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հունիսի 9-ին Լոռու մարզի երկու գյուղերում ընտրություններ կանցկացվեն
Մեկ այլ որոշմամբ նույն օրը արտահերթ ընտրություններ կանցկացվեն նաեւ Լոռու մարզի Լեռնավանի համայնքում, սակայն այս դեպքում կլինի միայն ավագանու ընտրություն...
Սյունիքի Գորայք համայնքը չունի ոչ գյուղապետ, ոչ ավագանի. ընտրությունները կկայանան հունիսի 9-ին
Գորայք համայնքի ավագանու մնացած անդամները ս.թ. մարտի 1-ին կազմել են Գորայք համայնքի ավագանու լիազորությունները վաղաժամկետ դադարեցման վերաբերյալ արձանագրություն...
Ապագա գյուղում արտահերթ ընտրություններ կանցկացվեն. ՀՀԿ-ական գյուղապետը հրաժարական է տվել
Սահմանված եռօրյա ժամկետում ես որոշում կկայացնեմ…
ԿԸՀ նախագահ. 2012-ից Հայաստանում ընտրությունների արդյունքների կեղծումներ չեն եղել
Հայաստանում ցանկացած ընտրություն կազմակերպելիս դրանց արդյունքները երբեք նախապես հայտնի չեն եղել, ասել է Տիգրան Մուկուչյանը...
«Ժողովուրդ». Ակունքում հետընտրական կրքերը չեն հանդարտվել. Արյան հետքեր քվեաթերթիկի վրա
Վերահաշվարկի արդյունքում ուշագրավ փաստ է պարզվել...
«Ժամանակ». Թռած է. Ընտրակաշառքի միջոցով հաղթել է ընտրություններում ու հեռացել է Հայաստանից
Ընտրություններից անցել է մեկ շաբաթ, սակայն Մանուկյանը այդպես էլ չի ներկայանում գյուղապետարան...
Ամենաշատ