News
Լրահոս
News
Չորեքշաբթի
Հունվար 16
Տեսնել լրահոսը


Ընտրական օրենսգրքում փոփոխությունների նախագծի քննարկումը ուշացած, ձեւական եւ բավականին թերի քննարկում է, որովհետեւ Ազգային ժողովի ընտրության հետ կապված հարցերը քաղաքական դաշտում, հատկապես խորհրդարանական հանրապետությունում առաջին հերթին հենց խորհրդարանական ուժերի հետ քննարկման թեմա է։ Այս մասին այսօր՝ հոկտեմբերի 16-ին, լրագրողների հետ զրույցում ասաց պաշտպանության նախկին նախարար, ՀՀԿ–ական Վիգեն Սարգսյանը։ 

«Ես ցավով եմ արձանագրում, որ կառավարական այն հանձնաժողովը, որ ստեղծվել էր ԸՕ նախագիծ մշակելու համար, այդպես էլ ինտենսիվ չաշխատեց խորհրդարանում 4 ֆրակցիաներից ստեղծված աշխատանքային խմբի հետ, ավելին՝ այդ խմբի տված առաջարկները, որոնց մեջ կային կոնսենսուսային՝ 4 ֆրակցիաների կողմից առաջարկված փոփոխություններ, հաշվի չառնվեցին նախագծում»,–նշեց նա։

Վիգեն Սարգսյանը նաեւ հետնահանջ է համարում այս քննարկումները. «Երկրորդ մեծ խնդիրը կարծում եմ, որ հետնահանջ էր  այս քննարկման ոճը նախորդ ԸՕ քննարկման հետ համեմատ, որը ծնեց 4+4+4 ձեւաչափ եւ հայտարարություն, որը բերեց թե՛ խորհրդարանում կոնսենսուսային քվեարկության եւ թե՛ միջազգային հանրության կողմից մեր ընտրական գործընթացի նկատմամբ մեծ վստահության եւ աջակցության, այս թվում՝ տեխնիական միջոցների ներդրման հարցում եւ այլն։ Դա եւս չի արվել»։

ՀՀԿ–ականը, որը եւս ընդգրկված էր ԱԺ–ի աշխատանքային խմբի անդամների թվում, համողված է՝ ԸՕ նախագիծը այժմ Վենետիկի հանձնաժողովին ուղարկելը անարգանք է այդ ինստիտուտի նկատմամբ.

«Մենք այսօր իմացանք, որ ընդամենը օրեր առաջ է նախագիծը ուղարկվել Վենետիկի հանձնաժողով, այն էլ ոչ վերջին տարբերակը, որովհետեւ վերջին տարբերակը մենք այսօր 1.30 ենք ստացել։ Պարոն Միրզոյանը ուղիղ ասաց, որ վստահ է՝ չեն հասցնելու ստանալ պատասխան, միգուցե հարցազրույցի տեսքով ինչ–որ մեկը  ինչ–որ մի կարծիք ասի, սակայն դա անարգանք է Վենետիկի հանձնաժողովի նկատմամբ։ Ավելի լավ էր չուղարկել այս նախագիծը, ասել, որ արտակարգ իրավիճակ է, նոր Հայաստան է եւ այլն»։

Վիգեն Սարգսյանը ցավում է, որ կառավարությունը վնաս է հասցնում ժողովրդավարությանը եւ ՀՀ–ում քաղաքական կուսակցությունների կայացման գործընթացին. «Ես հարց տվեցի պարոն Միրզոյանին առ այն, որ մեկ տարի ժամկետը, որը Վենետիկի հանձնաժողովը խորհուրդ է տալիս սովորաբար, բացարձակ անհեթեթությո՞ւն է, թե՞ ոչ, որին ինքը պատասխանեց, որ դա շատ ճիշտ մոտեցում է։ Ես շարունակեցի, որ դրա նպատակն է փոփոխության դեպքում քաղաքական ուժերին հնարավորություն  տալ պատրաստվել ընտրություններին։ Կարծում եմ, որ այն հապճեպությունը, որ տեսնում ենք պայմանավորված է 1 հանգամանքով՝ այսօր գործադիր իշխանության ուժը կարծում է, որ իր համար քաղաքական նպաստավոր պայմաններ են ընտրություններ անցկացնելու համար եւ գնում է մի քայլի, որով մեծ վնաս է հասցնում ժողովրդավարությանը եւ ՀՀ–ում քաղաքական կուսակցությունների կայացման գործընթացին, ինչի համար ցավում եմ»։

Նա կարծում է նաեւ, որ այս օրենսգիրքը այն տեսքով որ բերվել է, ուղղակի չի արտացոլում կառավարության ծրագրի հիմնական գործնական խոստումները. «Կառավարության ծրագիրը, որ բերվեց ԱԺ, կոնկրոտ խոստումներ գրեթե չուներ։ Մատերի վրա կարելի էր հաշվել այն չափելի բաները, որոնք կառավարությունն ու վարչապետ Փաշինյանը խոսք էին տալիս, այս թվում՝ դա վերաբերում էր երկրով մեկ միասնական կրկնաքվեարկությունը բացառելու համակարգ ներդնելուն, ցուցակները մաքրելուն եւ տեխնիկան նոր միջոցներ ներդնելուն։ Այս օրենսգրքով տվյալ երեք կետից որեւէ մեկը կատարված չէ»։

Պաշտպանության նախկին նախարարը նշեց, որ ԸՕ նախագծի առնչությամբ կուսակցական որոշում դեռ չունեն։

Վիգեն Սարգսյանը համոզված է, որ կառավարությունը այս նախագիծը հապճեպորեն է բերել, որ այն չանցնի եւ այդ չանցնելը դարձնի քաղաքական հիստերիայի եւ քարոզչության առարկա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարդենիսի քաղաքապետի արտահերթ ընտրությունները տեղի կունենան փետրվարի 17-ին
Գեղարքունիքի մարզի Վարդենիս համայնքի ղեկավար Արամ Հարությունյանը համայնքի ղեկավարի պաշտոնում ընտրվել էր 2017 թվականի նոյեմբերի 5-ին կայացած համայնքի ղեկավարի ընտրության արդյունքում…
«Հրապարակ». Վարդենիսի քաղաքապետի աթոռի վրա աչք ունեն երբեմնի ՕԵԿ-ականը, նախկին քաղաքապետն ու «գողական» «Չոշեի Մոսոն»
Հաջորդ թեկնածուն վարդենիսցի Մովսես Հակոբյանն է, որը քաղաքում հայտնի է «Չոշեի Մոսո» մականունով...
Զինծառայողներին, այդ թվում նաեւ ժամկետային, տրված է լիովին ազատ ընտրելու հնարավորություն. Արծրուն Հովհաննիսյան
«Փաստ». Ո՞ւմ հետ է խոսում Նիկոլ Փաշինյանը
Ճշմարտության առջեւ չմեղանչելու համար նշենք, որ...
«Հրապարակ». «Գնալու եմ չոքեմ, աղաչեմ». ՀՀԿ-ն հաշվում է իր շանսերը. «աբիժնիկ» Մհերն ու Նեմեցի շրջապատը
Մալաթիա-Սեբաստիայում նույնպես շատ թույլ ենք՝ Սամվել Ալեքսանյանն աջակցում է փոխվարչապետին...
«Հրապարակ». ՀՀԿ-ական նախկին մարզպետը տաքսիներով է քարոզարշավ անում, ՔՊ-ականը համայնքապետերի վրա «պլան» է դնում
Մարզի երբեմնի տիրակալ Աղվան Հովսեփյանը, ասացին, ձեռքերը լվացել է...