Մենք պայմանավորվել ենք ՀՀԿ ֆրակցիայի հետ այս ընթացքում մի փոքր ավելի ինտենսիվորեն աշխատել Ընտրական օրենսգրքի շուրջ: Այս մասին, այսօր՝ հոկտեմբերի 16-ին, ԱԺ-ում լրագրողների հետ զրույցում նշեց ՀՀ առաջին փոխվարչապետ Արարտ Միրզոյանը:
«Եթե բոլորի կողմից կա մտադրություն ունենալ լավ օրենսգիրք, լավ ընտրական համակարգ ընտրություններին ընդառաջ, ապա պետք է ջանքերն ինտենսիվացնել ընդ որում անաչառ քաղաքական համակարգի կայացման համար շտկումներ իրականացնենք, հասկանանք, թե ինչ ռեժիմով է դա հնարավոր անել՝ անենք եւ գնանք առաջ»,-հայտարարեց նա:
Անդրադառնալով Վենետիկի հանձնաժողովի հետ աշխատանքներին, Արարատ Միրզոյանն ասա. «Մենք եւ Ընտրական օրենսգրքի հայեցակարգը, ապա նաեւ օրենքի նախագիծը շատ ավելի վաղ ուղարկել ենք Վենետիկի հանձնաժողով, պաշտոնապես վերջին տարբերակն ուղարկվել է այսօր Հանձնաժողով, որովհետեւ այսօր է հաստատվել կառավարության կողմից։ Վենետիկի հանձնաժողովի հետ կոնտրակտները շարունակվում են , հուսամ որոշակի փոխըմբռնում կլինի»:
Նշենք, որ այսօր՝ կառավարությունը հավանություն է տվել ընտրական օրենսգրքի փոփոխություններին, իսկ հոկտեմբերի 22-ին ԱԺ-ն իր արտահերթ նիստում կքննարկի օրենսգիրքը:
Այսօր երեկոյան վարչապետ Նիկոլ Փաշինյանը հրաժարական կտա, իսկ դեկտեմբերի 9-10-ին տեղի կունենան ԱԺ արտահերթ ընտրություններ:
