News
Լրահոս
News
Երկուշաբթի
Նոյեմբեր 19
Տեսնել լրահոսը


Վարչապետ Նիկոլ Փաշինյանը հրաժարական տվեց: Հանրայինի եթերից նա բացատրել է հրաժարականի նպատակը, ասել է՝ չի փախչում պատասխանատվությունից, այլ, ընդհակառակը, ավարտին է հասցնում հեղափոխությունը: Արտահերթի ճանապարհային քարտեզով խորհրդարանը 14 օրում կլուծարվի: Փաշինյանը բացառել է հակառակ սցենարները, քանի որ ըստ նրա, մյուս քաղաքական ուժերի համար ևս պետությունը, նրա կայունությունն ու անվտանգությունը կարմիր գիծ են: Չնայած այս հրաժարականը ֆորմալ բնույթ է կրում, բայց պահը իրականում հուզիչ է, ասել է Փաշինյանը, և այնուամենայնիվ վստահեցրել, որ ամեն ինչ լավ է լինելու, շատ լավ:

Կառավարությունը հավանություն է տվել ընտրական բարեփոխումների փաթեթին, որի կարևորագույն նպատակը, հիմնական զեկուցող արդարադատության նախարարն ասել է, ժաղովրդավարական ընտրական ինստիտուտի կայացումն է: Բոլոր փոփոխությունները արված են պարզեցման ուղղությամբ. կառավարության նիստում հայտարարել է վարչապետ Փաշինյանը, այսինքն երկար ժամանակ չի պահանջվի, որ հանրությունը և քաղաքական ուժերը ծանոթանան նոր օրենքների նրբություններին. ըստ էության տեղի է ունենալու քվեարկություն առանց գրիչի,- ասել է վարչապետը:

Կառավարությունը նաև մարզպետներ է նշանակել՝ հայտարարելով օրվա ուշագրավ անունը, նախկին փոխոստիկանապետ Հունան Պողոսյանը Սյունիքի նոր մարզպետն է: Նա դեռ մինչև նիստը հայտարարել էր, թե նոր Հայաստանի կողմնակից է, իսկ արդեն նիստի ավարտից հետո լրագրողների հարցին, թե գուցե սյունեցիների սրտով չլինի երևանցի մարզպետը, Հունան Պողոսյանը թավշյա պատասխան է տվել՝  իրենք սիրո՛վ կաշխատեն միասին:

Ավելի ուշ պարզվել էր, որ այդ սիրուն դեռ պատրաստ չեն Սյունիքում: Այնտեղ փակել են միջպետական ճանապարհը՝ դժգոհելով Հունան Պողոսյանին մարզպետ նշանակելու որոշման դեմ:

Կառավարության նիստից հետո ԱԱԾ տնօրենը մոտ 40 րոպե զրուցել է լրագրողների հետ: Գաղտանլսման գործում արդեն անուններ կան, չբացահայտելով նրանց՝ Արթուր Վանեցյանը միայն ասել է, որ պատվիրատուն Հայաստանից է և հանրության մեջ լայն ճանաչում ունի: Բայց նրա մասնակցությունը հիմնավորել, փաստաթղթավորել այս փուլում շատ բարդ է: Հայտնի են նաև գաղտնալսողները, որոնց նպատակը, ըստ Վանեցյանի, իր հրաժարականն է եղել:

Արթուր Վանեցյանը պնդել է, որ դատարանի վրա որևէ ճնշում չի գործադրել: «Ուզի-չուզի պիտի տա» հայտնի արտահայտությունը, ըստ նրա, սխալ է մեկնաբանվել, ուզեր-չուզեր պիտի տար ոչ թե Վաչեն՝ դատավորը, այլ Հրաչը՝ քննչական խնբի ղեկավարը. նրա անունն է ձայնագրության մեջ նշել Վանեցյանը:

Արդեն որպես ՀՖՖ նախագահ Ջիբրալթարի հետ խաղը Արթուր Վանեցյանը ամոթ և խայտառակություն է համարել: Կարծես սև թուղթ լիներ՝ ասել է Վանեցյանը, որն այդ խաղի պատճառով նույնիսկ գիշերը չի քնել: Ֆուտբոլի հանդեպ զգայուն է, բայց դրա մասնագետը չէ՝ խոստովանել է Ֆեդերացիայի նոր նախագահը:

Խորհրդարանում քննարկել են ընտրական բարեփոխումների փաթեթը: Նախկին նախարար Վիգեն Սարգսյանը քննարկումը համարել է ուշացած, ձևական և բավականին թերի: Փաթեթն ուղարկվել է Վենետիկի հնաձնաժողով ոչ վերջնական տարբերակով, ինչը ըստ Վիգեն Սարգսյանի, անարգանք է այդ ինստիտուտի նկատմամբ:

Ընտրությունների հապճեպությունից խոսել է նաև Արմեն Աշոտյանը: Որ վարչապետը հրաժարականը հետաձգել է ֆրանկոֆոնիայի համար, նա ճիշտ որոշում է համարել, բայց նույնը կարող էր անել նաև ՀԱՊԿ-ի դեպքում, քանի որ ակնհայտ է՝ վարչապետի հրաժարականը և  խորհրդարանի ժամկետի սպառումն են եղել պատճառը, որ ՀԱՊԿ Խորհրդարանական վեհաժողովի նիստը Երևանից տեղափոխվել է Մոսկվա:

Վարչապետն ընդունել է Ելք խմբակցության անդամներին՝ քննարկելու նոր իրավիճակը այն 14 օրերի ընթացքում, որ հաջորդելու են իր հրաժարականին: Ասել է՝ մեծ է հավանականությունը, որ առնվազն առաջին շրջափուլում որպես վարչապետի թեկնածու առաջադրվի ինքը՝ չընտրվելու  կանխավարկածով, որպեսզի պրոցեսն ամբողջությամբ համապատասխանի օրենքի տառին և ոգուն:

Փաշինյանն ընդունել է նաև դաշնակցության պատգամավորներին՝ նույն օրակարգով՝ ինչպես ընդհանուր հայտարարի գալ նոր իրավիճակում: Արմեն Ռուստամյանն ասել է՝ վստահ է, որ կարող են, որովհետեւ իրենց նպատակն իսկապես նույնն է:

Ղարաբաղյան հակամարտության ցանկացած կարգավորում կպահանջի «օկուպացված տարածքների» մի մասի վերադարձ, EVN Report ամսագրի հետ հարցազրույցում ասել է ԱՄՆ դեսպան Ռիչարդ Միլսը, և դա անվանել է դաժան իրականություն: Նրա խոսքով՝ հայ ժողովուրդն ինքը պետք է որոշի, թե ինչի է պատրաստ: Սակայն շեշտել է, որ ցնցված է, թե որքան քիչ են քննարկվում ընդունելի փոխզիջումների հարցերը: Իսկ ստատուս քվոն, ըստ դեսպանի, արդեն Հայաստանի օգտին չէ:

Դոլարի ու եվրոյի փոխարժեքը նվազել է:  Դոլարի փոխարժեքն այսօր կազմել է 484.57,  եվրոյինը՝ 560.79 դրամ, բրիտանական ֆունտի փոխարժեքը աճել է՝ կազմելով 639.68 դրամ, ռուսական ռուբլու փոխարժեքը նույնն է՝ 7.40 դրամ:

Հոկտեմբերի 17-ին Հայաստանում սպասվում է առանց տեղումների եղանակ, մայրաքաղաքում գիշերը կդիտվի +10+12, ցերեկը՝ +24+26 աստիճան տաքություն:

Տպել
Կարդացեք նաև
Ամբողջը
Օրվա գլխավոր լուրերը՝ «մեկ տողով»․ 16․11․2018
Մարտավարական հարձակողական զորավարժանքին հետևել է վարչապետի պաշտոնակատար Փաշինյանը․․․
Օրվա գլխավոր լուրերը՝ «մեկ տողով»․ 15․11․2018
Վճռաբեկ դատարանը որոշեց մասնակի բավարարել Քոչարյանի գործով գլխավոր դատախազի բողոքը․․․
Օրվա գլխավոր լուրերը՝ «մեկ տողով»․ 14․11․2018
Նախորդ օրերի գլխավոր ինտրիգը, թե որ ուժը ինչ կազմով կմասնակցի արտահերթին, այսօր լուծվեց․․․
Օրվա գլխավոր լուրերը՝ «մեկ տողով»․ 13․11․2018
«Իմ քայլը» դաշինքի ցուցակի առաջին եռյակը հայտնի է՝ Նիկոլ Փաշինյան, Արարատ Միրզոյան, Լենա Նազարյան․․․
Օրվա գլխավոր լուրերը՝ «մեկ տողով»․ 12․11․2018
Նոր խորհրդարանում ՀՀԿ-ն ուզում է ձևավորել Փաշինյանի թիմի հակառակ բևեռը, և ըստ Վիգեն Սարգսյանի, ընտրությունը լինելու է հենց այս բևեռների միջև․․
Օրվա գլխավոր լուրերը՝ «մեկ տողով»․ 09․11․2018
Կրկնակի ռեկորդով չեմպիոնական հաղթանակ․ Աշգաբադում ընթացող ծանրամարտի աշխարհի առաջնությանը Սիմոն Մարտիրոսյանը նվաճել է չեմպիոնի կոչումը․․․
Ամենաշատ
Partner news