Ամերիկյան գեոֆիզիկական միությունը YouTube-ում տեսանյութ է հրապարակել Անտարկտիկայի «երգող» սառույցների մասին՝ տեղեկացնում է ՌԻԱ Նովոստին։

Գիտնականները անտարկտիկական սառույցի վրա տաք հոսանքների ազդեցությունն ուսումնասիրելիս անսովոր ձայներ են որսացել։ Ըստ նրանց՝ այդ ձայնն առաջանում է բարձր վիբրացիաների հետեւանքով։ Սրանք էլ իրենց հերթին ձեւավորվում են ուժեք քամիներից, որոնք փչում են սառցաբլուրների միջով։

Անտարկտիկայի սառույցները ցածր տոնայնությամբ են «երգում»։ Նրանց լսելու համար գեոֆիզիկոս եւ մաթեմատիկոս Ժյուլեն Չապուգը 1200 անգամ արագացրել է ձայնագրությունը։