Հնդկաստանի արտաքին գործերի պետական նախարար Մոբաշար Ջավեդ Աքբարը, ում մեղադրել են սեռական ոտնձգությունների մեջ, ազատման դիմում է ներկայացրել։ Այս մասին հայտնել է ՌԻԱ Նովոստին՝ վկայակոչելով պաշտոնական նամակը։
Ակբարի խոսքերով՝ ինքը որոշել է դատարանում բողոքարկել իրեն առաջադրված մեղադրանքները եւ անձամբ հասնել արդարադատության։
«Այդ պատճառով ես ԱԳՆ-ից ազատման դիմում եմ ներկայացրել»,- հայտարարել է Ակբարը։
Ավելի վաղ հայտնել էին, որ նախարարին մեղադրել է լրագրողուհի Պրիյա Ռամանին, ում սատարել են նրա 20 գործընկերները։