News
Լրահոս
News
Չորեքշաբթի
Ապրիլ 24
Տեսնել լրահոսը

Արթիկում անչափահասին դանակահարելու կասկածանքով ձերբակալվել են 23 և 26-ամյա երիտասարդներ։ Այս մասին NEWS.am-ին հայտնեցին ՀՀ քննչական կոմիտեից։

2018թ. հոկտեմբերի 14-ին՝ ժամը 22:06-ին, Արթիկ քաղաքի բնակչուհին ՀՀ ոստիկանության Արթիկի բաժնում հաղորդում է տվել այն մասին, որ նույն օրը՝ ժամը 22:00-ի սահմաններում, վիճաբանություն է տեղի ունեցել բակում և որ հավաքվածներից լսել է, որ իր թոռը դանակահարվել է:

Նույն օրը՝ ժամը 22:50-ին, Արթիկի բժշկական կենտրոն ՓԲ ընկերություն է տեղափոխվել  Արթիկ քաղաքի բնակիչ՝ ծնված 2002  թվականին՝ «կրծքավանդակի ձախ կեսի կտրած-ծակած թափանցող վերք  (պտկային գիծ, 7-րդ միջկող), պլևրոպուլմոնալ շոկ» ախտորոշմամբ:

Դեպքի առթիվ ՀՀ քննչական կոմիտեի Շիրակի մարզային քննչական վարչության Արթիկի և Անիի քննչական բաժնում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասով:

Քննությամբ իրականացված միջոցառումների արդյունքում պարզվել է, որ անչափահասը մարմնական վնասվածքն ստացել է Արթիկ քաղաքում տեղի ունեցած վիճաբանության ժամանակ: Տվյալներ են ձեռք բերվել՝ վիճաբանության շարժառիթի, ենթադրյալ հանցագործություն կատարած անձանց ինքնության վերաբերյալ, ովքեր Շիրակի մարզի բնակիչներ են՝ ծնված 1995 և 1992 թվականներին:

Մասնավորապես՝  2018թ. հոկտեմբերի 14-ին՝ ժամը 22:00-ի սահմաններում, Արթիկ քաղաքում բնակվող մի խումբ երիտասարդներ փողոցում վիճաբանել են նույն քաղաքի բնակիչների՝ հոր և որդու հետ, որի ընթացքում վիճաբանող երիտասարդներից մեկը՝ 23 տարեկան, դանակով սպառնալիքներ է հնչեցրել վերջիններիս հասցեին, իսկ վիճաբանության մասնակից երիտասարդներից մեկն էլ, ով 26 տարեկան է, ձեռքին եղած դանակով հարվածել 16-ամյա երիտասարդին:

Բացի այդ, նաև Արթիկ քաղաքի մի խումբ բնկաիչներից է հաղորդում ստացվել առ այն, որ մի խումբ երիտասարդներ դիտավորյալ կոպիտ կերպով խախտել են հասարակական կարգը, վիճաբանել, աղմկել: Դեպքի առթիվ հարուցվել է քրեական գործ՝ ՀՀ քրեական օրենսգրքի 258-րդ հոդվածի 4-րդ մասով: Հաշվի առնելով, որ ձեռք բերված տվյալների համաձայն՝ նշված երկու հաղորդումները վերաբերում են նույն միջադեպին՝ որոշում է կայացվել՝ հարուցված երկու քրեական գործերը մեկ վարույթ միացնելու վերաբերյալ:

Կատարվել է դեպքի վայրի զննություն, հարցաքննվել են վկաներ, նշանակվել դատաբժշկական փորձաքննություններ: Հանձնարարություն է տրվել Ոստիկանության համապատասխան ստորաբաժանմանը՝ վիճաբանությանը մասնակից անձանց շրջանակը պարզելու և վարույթ իրականացնող մարմնին ներկայացնելու վերաբերյալ:

Նախաքննությունը շարունակվում է: Ձեռնարկվում են անհետաձգելի քննչական և դատավարական այլ միջոցառումներ՝ դեպքի բոլոր հանգամանքները պարզելու, օբյեկտիվ, լրիվ և բազմակողմանի քննությունն ապահովելու ուղղությամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բանտից փախած կալանավորը ձանձրացավ Կանարյան կղզիներից եւ հանձնվեց ոստիկանությանը
Տղամարդը բանտից փախել էր տասը տարի առաջ...
Բուլղարիայում դատարանը 30 տարի է տվել լրագրողուհուն սպանողին
Լրագրողուհուն սպանողը դատապարտվել է 30 տարվա ազատազրկման...
Կիպրոսի ոստիկանությունը երեք ֆիլիպինուհիների սպանությունից հետո ուսումնասիրում է սերիական մարդասպանի վարկածը
Ոստիկանությունը կարծում է, որ նրանք կասկածյալի հետ ծանոթացել են առցանց ծանոթությունների կայքում․․․
Ավերված Մոսուլի պաշտոնյաները ավելի քան 60 մլն դոլար են յուրացրել
Հանձնաժողովի հայտարարության մեջ նշվում է, որ «Ակուբի մտերիմ» պաշտոնյաները գողացել են միջոցները, Ակուբն ինքը չի մեղադրվում․․․
Նոր Խարբերդում տղամարդը ծեծել է մորը և հղի կնոջը
Ծեծի մասին իրավապահներին հայտնել է հենց կինը…
Ալժիրում հակակոռուպցիոն հետաքննությունների շրջանակներում հինգ միլիարդատեր է ձերբակալվել
Լրատվամիջոցի տեղեկատվությամբ, ձերբակալվածներից ոմանք սերտ կապերի մեջ են հրաժարական տված նախագահ Աբդելազիզ Բուտեֆլիկայի հետ․․․