News
Լրահոս
News
Չորեքշաբթի
Մայիս 22
Տեսնել լրահոսը

Ռոբերտ Քոչարյանի փաստաբանները Մարդու իրավունքների եվրոպական դատարան ներկայացնելու հայց են պատրաստում՝ կապված հայկական իշխանությունների ներկայացրած սահմանադրական կարգի տապալման մեղադրանքների հետ: Այս մասին Հայաստանի նախկին նախագահը հայտարարել է «ՌԻԱ Նովոստի»-ի հետ հարցազրույցում:

«Ես ոչ թե հնարավոր եմ համարում, այլ այնտեղ (ՄԻԵԴ – խմբ.) պարտադիր կդիմեմ, եթե նման անհրաժեշտություն ծագի: Հարցն այն է, որ դրա համար պետք է անցնել բոլոր ներքին ընթացակարգերը»,- ասել է Քոչարյանը:

Ընդ որում՝ նա նշել է, որ առանձին դեպքեր կան, երբ գործերն ընդունվում են նաեւ մինչեւ երկրի ներսում բոլոր ատյաններն անցնելը, եթե նկատվում է դատարանների վրա ակնհայտ ճնշում: «Իմ դեպքում նման ճնշում կա, եւ հիմա փաստաբաններն արդեն հայց են պատրաստում»,- հավելել է Քոչարյանը:

Նա Հայաստանի պատմության մեջ աննախադեպ մի բան է համարել սահմանադրական կարգի տապալման մասին հեռախոսազրույցը Հատուկ քննչական ծառայության պետի եւ Ազգային անվտանգության ծառայության ղեկավարի միջեւ: «Այնպիսի սկանդալ էր, որին առնվազն հրաժարականների շարք պիտի հետեւեր: Սակայն նրանք բոլորը շարունակում են իրենց պաշտոններին մնալ, բոլորն իրենց բավականին հարմարավետ են զգում, շարունակում են անել այն, ինչով զբաղվում էին: Չնայած օբյեկտիվ լինելու դեպքում, նրանք բռնվել են հանցագործություն կատարելիս: Մինչդեռ շարունակում են իրենց պաշտոններին մնալ»,- ասել է Քոչարյանը:

Նախկին նախագահի խոսքով՝ միայն այս փաստը քրեական գործը փլուզում է, որով ինքն անցնում է: «Մարդու իրավունքների եվրոպական դատարանի համար միայն այս փաստը միանգամայն բավարար է: Բուն քրեական գործը սարքած է, այնտեղ ոչ մի բան չկա: Ես սա անվանում եմ իրավական աղբ, դժվար է այլ բառ գտնել»,- ընդգծել է Քոչարյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Քրեական գործն իր ողջ նյութերով հանդերձ ՍԴ ուղարկելով մեր բողոքարկման իրավունքը դադարել է». Վահե Գրիգորյան
Չնայած որոշումը դեռ չեմ ստացել, սակայն Datalex իրավական տեղեկատվական համակարգում առկա...
Ռոբերտ Քոչարյանի պաշտպանական խմբից արտահոսքի մասին տեղեկությունը բացահայտ սուտ է. հայտարարություն
Բացի այդ հրապարակված նյութում նշվում է, որ Քոչարյանը մինչեւ որոշման հրապարակումը տեղյակ է եղել...
Գորիկ Հակոբյանի տեսանյութերը չգիտենք ուր են. Հայկ Ալումյան
Հայկ Ալումյանը ներկայացրեց, որ Ռոբերտ Քոչարյսնին ասել են, որ ցուցարարների մոտ զենք կա եւ կան կրակոցներ...
«0038» հրամանը եւ «Մարտի 1»-ի գործողությունները փոխկապակցված չեն. Քոչարյանի պաշտպանները տեսանյութեր հրապարակեցին
0038 հրամանի մեջ որեւէ սարսափելի գործողություն չկա, այդ հրամանով զորքերի տեղաշարժ է եղել մի կայազորից մյուսը...
Դատախազության նկարագրած դրվագին առնչվում է «Ալրաղացի Լյովիկը». Արթուր Դավթյանը փակագծեր բացեց
Իհարկե հայտնի են, թե ովքեր են այդ անձինք, բա հո՞ մենք չէինք կարող օդից կտրված տեղեկություն մեջբերել...
Հանրապետության տարբեր հատվածներից զորք է տեղափոխվել Երևան, ներգրավվել քաղաքական պրոցեսներին. Արթուր Դավթյանի ելույթը
Խոչընդոտելու ռիսկն առկա է անգամ անձնական երաշխավորության պայմաններում...