News
Լրահոս
News
Երեքշաբթի
Ապրիլ 23
Տեսնել լրահոսը

«Ամերիաբանկ» ՓԲԸ-ի մասնագետները Հայաստանում բանկային տոկոսադրույքների զգալի փոփոխություններ չեն կանխատեսում: Այս մասին, հոկտեմբերի 17-ին, լրագրողների հետ հանդիպման ժամանակ նշեց «Ամերիաբանկ» ՓԲԸ-ի տնօրինության անդամ, մանրածախ գործառնությունների գծով տնօրեն Արման Բարսեղյանը:

Նա նշեց, որ չնայած բարձրացման ուղղությամբ որոշակի ճնշմանը, տոկոսադրույքները զգալի չեն բարձրանա:

Արման Բարսեղյանի խոսքով, առաջիկա 6 ամիսներին տոկոսադրույքները հայկական բանկային շուկայում զգալի փոփոխություններ չեն կրի, քանի որ նկատվում են գործոններ, որոնք նպաստում են եւ տոկոսադրույքների բարձրացմանը, եւ նվազեցմանը: Այդ գործոններից նա առանձնացրեց 4 հիմնականները:

«Նախ, տնտեսական աճի բարձր տեմպերը նպաստում են ֆինանսական ռեսուրսների նկատմամբ պահանջարկի ավելացմանը, եւ որպես հետեւանք բանկային տոկոսադրույքների աճին: Ինչպես հայտնի է այս տարվա հունվար-օգոստոսին նախորդ տարվա նույն ժամանակահատվածի համեմատ տնտեսական ակտիվությունը կազմել է 7,7 տոկոս, ինչը բավական բարձր ցուցանիշ է»,-ընդգծեց բանկիրը:

Երկրորդ գործոնը, ըստ նրա, վերջին մեկ տարում միջազգային շուկաներում տոկոսադրույքների աճն է, մասնավորապես, բարձրացել է ԱՄՆ դաշնային պահուստային համակարգի բազային տոկոսադրույքը, Libor տոկոսադրույքը, ինչպես նաեւ հայկական եվրոբոնդերի տոկոսադրույքները (0,5-0,75%):

«Այս գործոնը ժամանակային լագում կարող է ազդել Հայաստանի բանկային շուկայի տոկոսադրույքների մակարդակի վրա»,-ասաց Բարսեղյանը:

Տոկոսադրույքների վրա կարող է ազդել նաեւ Հայաստանի Կենտրոնական բանկի կողմից դրամավարկային քաղաքականության մեղմացումը կամ խստացումը: Արման Բարսեղյանը հիշեցրեց, որ 2017 թվականից ԿԲ-ն վերաֆինանսավորման տոկոսադրույքը թողել է անփոփոխ՝ 6 տոկոս, եւ այստեղ կարող են որոշ փոփոխություններ լինել, որոնք կարող են ի թիվս այլոց ազդել բանկային տոկոսադրույքի վրա:

«Եվ վերջապես, մրցակցությունը կառուցվածքային փոփոխություններ չի կրել, քանի որ բանկերի համար կապիտալի նվազագույն շեմի բարձրացման նորմատիվային պահանջի խստացումից հետո բանկային համակարգի կոնսոլիդացիայի գործընթաց հիմա արդեն չի նկատվում»,-ասաց նա:

Արման Բարսեղյանը հավելեց, որ կատարելով ԿԲ պահանջները, բանկերի զգալի մասը կապիտալի եւ լիկվիդայնության ավելցուկ է ունեցել, որը հիմա արդեն չեզոքացվել է, եւ բանկային վարկավորման պահուստային կուտակումն այդքան էլ բարձր չէ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արդշինբանկ. նոր հեռախոսահամար՝ նախատեսված դրամական փոխանցումներ ստանալու համար
Հեռախոսահամարը գործում է 24/7, գումարի փոխանցումը հաշվեհամարին կատարվում է անմիջապես...
Արթուր Ջավադյանը մեկնել է Ֆրանկֆուրտ. նա կքննարկի հիփոթեքային շուկայի զարգացման ծրագրերի իրականացման ժամկետները
Նիստում քննարկվելու են KfW բանկի հետ իրականացվող ընթացիկ ծրագրերը եւ վերջիններիս հնարավոր զարգացումները, ինչպես նաեւ վերականգնվող էներգետիկայի...
«Ամերիաբանկի» նախաձեռնությամբ տեղի ունեցավ Դավիթ Յանի վարպետության դասը ՄՌԿ մասնագետների համար
Դավիթ Յանը վարպետության դաս անցկացրեց նաև «Ամերիաբանկի» աշխատակիցների համար...
«Յունիբանկի» դոլարային պարտատոմսերով առաջարկվում է 5% երաշխավորված տարեկան եկամտաբերություն
Պարտատոմսերով ներգրավված դրամական միջոցները երաշխավորված են «Ավանդների հատուցումը երաշխավորող հիմնադրամի» կողմից...
Արդշինբանկը շարունակում է առաջարկել խնդրահարույց վարկային պարտավորությունների վերաֆինանսավորման գործիքներ
Գրավով չապահոված վարկերի վերաֆինանսավորման և ներման պայմանները հրապարակված են Արդշինբանկի պաշտոնական կայքէջում...
«Ամերիաբանկի» նորաբաց «Աբովյան» մասնաճյուղի առաջարկը նոր հաճախորդներին՝ արտոնյալ պայմաններով (ֆոտո)
Մասնաճյուղը մատուցելու է «Ամերիաբանկի» կողմից առաջարկվող բոլոր ծառայությունները...