News
Լրահոս
News
Կիրակի
Նոյեմբեր 18
Տեսնել լրահոսը

ԱՄՆ դեսպան Միլսի հայտարարությունը և արձագանքները բացահայտեցին մի քանի կարևորագույն մարտահրավերներ: Այս մասին Facebook-ի իր էջում գրել է ՀՀԿ փոխնախագահ, ԱԺ ՀՀԿ խմբակցությն պատգամավոր Արմեն Աշոտյանը՝ անդրադառնալով ՀՀ-ում դիվանագիտական առաքելությունն ավարտող ԱՄՆ դեսպան Ռիչարդ Միլսի հայտարարությանը, ըստ որի ԼՂ խնդրի ցանկացած կարգավորում պահանջելու է «գրավյալ» տարածքների որոշ մասի վերադարձ:

Աշոտյանը, մասնավորապես, գրել է.

«ԱՄՆ դեսպան Միլսի հայտարարությունը եւ արձագանքները բացահայտեցին մի քանի կարեւորագույն մարտահրավերներ:

1. Դեսպանի պաշտոնավարման վերջին օրերին Ղարաբաղյան հակամարտության կարգավորման մասին հայտնած տեսակետը աներկբա է, որ մասնավոր կարծիք չէր: Դիվանագիտության մեջ ընդունված է, որ գնացող դեսպաններն են հաճախ առավել կտրուկ արտահայտվում առկա խնդիրների վերաբերյալ, փաստացի բացահայտելով տվյալ երկրի իրական մտադրությունները:

2. Այդ հայտարարությունն ընդգծեց, որ կարգավորման գործընթացքում Մինսկի խմբի համանախագահ երկրների շրջանակներում ձեռք բերված երեք հիմնարար մոտեցումները ոչ թե ինքնստինքյան են տրվել, այլ հայակական կողմի դիվանագիտական ջանքերի արդյունք են եղել:

3. Հարցին անդրադառնալու հիմնական բեռը մնաց վարչապետ Նիկոլ Փաշինյանի վրա, ով իրեն հյուրահատուկ ոճով փորձեց ցրել խնդիրը, վերագրելով այդ միտքը «գնացող դեսպանին»: Սա տակտիկապես հասկանալի հնարք է, բայց իրականության մեջ միայն բազմապատկում է հայ հասարակության անհագստությունները:

4. Ղարաբաղյան կարգավորման գործընթացքում նոր իշխանությունները չեն կարող անվերջ մնալ նոր մոտեցումների դիվանագիտական արտահայտման ամորֆ փնտրտուքի մեջ: Պատահական չէ, որ անգամ իշխանափոխությունից հետո ԼՂ հիմնախնդրին վերաբերող բանաձեւերում նոր իշխանությունները նորից ստիպված են ապավինել մեր օրոք արած մշակումներին, օրինակը Ֆրանկոֆոնիայի գագաթաժողովում Կոնֆլիկտների մասին ընդունված բանաձեւն է:

5. Դեսպանի հայտարարությունը բացահայտեց նաեւ պետության քաղաքական դիմադրողականության անկումը, երբ մեկ ուժի տոտալ մենիշխանության պարագայում թուլացած են պատեհ պահին պետական շահերի պաշտպանության բեռը իրենց վրա վերցնելու պատրաստ ուժերի ռեսուրսները: Սա եվս մեկ անգամ ընդգծում է քաղաքական բազմակարծություն ունենալու կարեւորությունը ապագա խորհրդարանում, ուժեղ արմատական ընդդիմությամբ, որը հարկ եղած դեպքում իր վրա կարող է վերցնել տարաբնույթ աշխարհաքաղաքական խաղերին հակազդելու ծանրությունը»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ոտքի վրա» Ադրբեջանի հետ օպերատիվ կապը էֆեկտիվ չէ․ Լարիսա Ալավերդյան
3-5 օր եթե անձը հայտնվել է սահմանից այն կողմ, մենք վերադարձ ենք ունեցել․․․
Ադրբեջանը Ֆրանսիային բողոքի նոտա է հղել
Մենք կարծում ենք, որ Ֆրանսիայի այս քայլը լուրջ կասկածի տակ է դնում նրա օբյեկտիվությունն ու անկողմնակալությունը…
Oմբուդսմենը արտահերթ զեկույց է պատրաստել հայկական սահմանամերձ գյուղերի գնդակոծության մասին
Կոթի գյուղը գնդակոծվել է սեպտեմբերի 2–ին, 4–ին, 5–ին, 15–ին, 16–ին եւ 29–ին...
Մտահոգված ենք Կարեն Ղազարյանի ճակատագրով. ՀՀ ՄԻՊ
Դիմել է ՄԱԿ եւ ԵԽ հանձնակատարներին, աշխատանք է տարվում ԿԽՄԿ հետ սերտ համագործակցությամբ…
Հայաստանի եւ Արցախի միջեւ ռազմաքաղաքական դաշինքի կնքման ծրագիր եղել է դեռեւս ապրիլյան պատերազմից հետո. Շարմազանով
Երբ որ գա ժամանակը, դրա անհրաժեշտությունը լինի, մենք կխոսենք այդ մասին: Մենք տեսնում ենք շատ լուրջ մտահոգություններ, մարտահրավերներ ոչ միայն...
Փոստանջյան. Հայաստանի ներկայիս ղեկավարությունը կարող է տարածքային զիջումների գնալ
«Հայաստանի ներկայիս իշխախունությունն, ըստ էության, այս ամբողջ ընթացքում շարունակել է նախկին իշխանությունների քաղաքականությունը»...
Partner news