Թուրքիայի ոստիկանությունը անհետացած սաուդցի ընդդիմադիր լրագրող Ջամալ Հաշքաջիի մնացորդների թաղման հնարավոր տեղն է  փնտրում Ստամբուլում և մերձակա Յալովա նահանգում, հայտնում է «ՌԻԱ Նովոստի»–ն՝ վկայակոչելով Yeni Safak թերթը։

Իրավապահ մարմիններում թերթի աղբյուրի տվյալներով՝ քննիչները խուզարկել են  Սաուդյան Արաբիայի դիվանագիտական առաքելության ոչ միայն 26 ավտոմեքենաներ, այլ նաև առանց դիվանագիտական համարների ավտոմեքենաները, որոնք նկատվել են տեսահսկման տեսախցիկներով հյուպատոսության շրջանում և կասկած են հարուցել։ Նշվում են, որ նրանցից մի քանիսը հետքերը խճճելու համար դուրս են եկել դիվանագիտական առաքելության շրջանից և անցնելով տարբեր երթուղիներով ետ են վերադարձել։

Ելնելով հյուպատոսական ավտոտրանսպորտի երթուղիների վերլուծությունից՝ քննիչները ընդլայնել են որոնումները՝ տարածվելով Ստամբուլից հարավ՝ Յալովի նահանգի վրա, ինչպես նաև Բելգրադյան անտառ, որը գտնվում եմ Ստամբուլում։

Հիշեցնենք, որ Washington Post-ի թղթակից Ջամալ Հաշքաջին հոկտեմբերի 2-ին փաստաթղթեր վավերացնելու համար մտել էր Թուրքիայում Սաուդյան Արաբիայի հյուպատոսություն, ապա անհետացել։ Թուրքերը վստահ են, որ նրան այնտեղ սպանել են՝ Էր Ռիադի դեմ քննադատական հոդվածներ գրելու համար։ Սաուդյան Արաբիան այդ ամենը հերքում է՝ պնդելով, որ լրագրողը հյուպատոսությունից դուրս գալուց հետո է անհետացել։