News
Լրահոս
News
Ուրբաթ
Նոյեմբեր 16
Տեսնել լրահոսը

«Բնակարան երիտասարդ ընտանիքներին» նախագծում կան կետեր, որոնք լրացուցիչ խոչընդոտ են ստեղծում երիտասարդ ընտանիքների համար։ Այս մասին այսօր՝ հոկտեմբերի 18–ին, լրագրողների հետ հանդիպմանն ասաց ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը։

«Նախագծի մակարդակով պատրաստ է մի փաստաթուղթ, որի համաձայն, ընտանիքի անդամների տարիքի համագումարը 65–ից դարձնում են 70, եթե նախկինում 30 տոկոս կանխավճար էր պետք, ապա դա էլ 10 տոկոս են դարձնում, եթե երկրորդ բնակարան է գրավադրվում։ Մինչդեռ սա մի քիչ անտրամաբանական է, որովհետեւ եթե բնակարան ունենար, կշարունակեր ապրել։ Իմ կարծիքով, սա լրացուցիչ խոչընդոտ է երիտասարդ ընտանիքների համար»,– ասաց նա։

Տնտեսագետի խոսքով, շատ կարեւոր է, որ պատրաստվում են տոկոսադրույքի շեմն իջեցնել մինչեւ 5.5–6 տոկոս, սակայն, սա բավարար չէ, որ ավելի շատ ընտանիքներ հիփոթեք վերցնեն. «Ենթադրենք՝ երիտասարդ ընտանիքը 11 մլն դրամ վարկ է վերցնում 5.5 տոկոսով եւ 20 տարով, ամսական գումարի չափը սկզբնական կազմելու է 95 հազար դրամ, իսկ վերջին տարիներին արդեն 40 հազար դրամ է դառնում։ Երբ խոսվում է ամսական 45-50 հազար դրամ վճարի մասին, սա իրատեսական չէ»։

Սուրեն Պարսյանի կարծիքով, դրանից հետո բնակարանների գնի աճ էլ կլինի, հատկապես 1-2 սենյականոց բնակարանների դեպքում. «Կառավարությունն առաջնահերթ պետք է մտածի աշխատավարձերի բարձրացման մասին։ Այսօր մենք ունենք աշխատող աղքատներ, որովհետեւ նրանք աշխատում են բայց չեն կարողանում պահել ընտանիք»։

Նշենք, որ երիտասարդ ընտանիքների ծրագրի մասին օրեր առաջ խոսել էր Նիկոլ Փաշինյանը։ Նա ներկայացրել էր, թե ինչ է նախատեսվում նոր նախագծով։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կարող եք հույս դնել մեզ վրա. ՎԶԵԲ-ի հայաստանյան գրասենյակի ղեկավարը՝ Տիգրան Խաչատրյանին
Նախարարի պաշտոնակատարը, ողջունելով հյուրին, նշել է, որ ՎԶԵԲ-ի հետ համատեղ քննարկվել և գտնվել են լուծումներ մի շարք հարցերի...
Ասիական զարգացման բանկը Հայաստանին 50 միլիոն դոլար վարկ կտրամադրի
ԱԶԲ–ն ծրագրի առաջին հատվածի շրջանակներում 40 միլիոն դոլար է տրամադրել նախորդ տարի...
ՊԵԿ-ում «Արփի գազ» եւ «Գլաձոր Մ.Գ.Հ.» ընկերությունների նկատմամբ հարուցվել են քրգործեր
Ընկերությունները 2015-2018 թվականների ընթացքում պետական բյուջե չեն վճարել առանձնապես խոշոր չափի գումարներ...
Դոլարի փոխարժեքը նվազել է. էժանացել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
«Մեր թիմը մնացել է ամուր». «Բիզնես Արմենիա» հիմնադրամի գործադիր տնօրենը հրաժարականի դիմում է ներկայացրել
Իմ աշխատանքի ամենահաճելի մասը Ձեր աչքերի «կրակն» ու «կայծը» տեսնելն էր՝ ցանկացած նոր լուծված խնդրի, դժվարության հաղթահարման եւ նոր ներդրումների որոշման կայացման առիթով...
«Ռոյալ Գլաս Գրուպ» ՍՊԸ-ն արտոնություն ստացավ. Նա 20 հա այգի է հիմնելու, հյութերի արտադրամասն է ընդալյնելու
Ինտենսիվ այգիները համալրվելու են ժամանակակից համակարգերով, ներառյալ հակակարկտային համակարգով...
Partner news