Ոչ մի կասկած չկա այն առումով, թե քանի տոկոս կհավաքի առաջիկա խորհրդարանական ընտրություններին այս կամ այն քաղաքկան ուժը։ Այս մասին այսօր՝ հոկտեմբերի 18-ին, լրագրողների հետ զրույցում ասաց խորհրդարանի նախկին պատգամավոր Հովհաննես Իգիթյանը՝ մեկնաբանելով ՀՀ վարչապետ Նիկոլ Փաշինյանի հրաժարականը եւ երկրում դրա հետեւանքով ձեւավորված քաղաքական իրավիճակը։
Նրա խոսքով՝ ՀՀ վարչապետ Սերժ Սարգսյանը ապրիլին հրաժարական տվեց, քանի որ այն մարդիկ, որոնք սահմանադրության ներկա տարբերակն են գրել, չեն պատկերացրել, որ երկրում կարող է մի իրավիճակ առաջանալ, երբ ժողովրդի մոտ միասնական կարծիք կձեւավորվի, իսկ այն քաղաքական ուժը, որը խորհրդարանում մեծամասնություն կստանա, լրիվ այլ իրականության առաջ կհայտնվի։
Միաժամանակ, Իգիթյանը կասկած հայտնեց, որ արտահերթ խորհրդարանական ընտրություններից հետո Աժ–ում իրական ընդդիմություն կլինի՝ նույնիսկ հաշվի առնելով սահմանադրության այն դրույթը, որ ԱԺ–ն երեսուն տոկոսով պետք է ընդդիմության ներկայացուցիչներից բաղկացած լինի։ «Բայց ո՞վ է ասում, որ այդ երեսուն տոկոսն ընդդիմադիր կլինի: Ես համոզված եմ, որ մենք կունենանք ընդդիմություն այն ժամանակ, երբ կստեղծվի այն քաղաքական դաշտը, որտեղ հնարավոր է, որ քաղաքական դաշտ ու գործիչներ ձեւավորվեն: Մեզ մոտ քաղաքական դաշտը ձեւավորված չէ, ես հուսով եմ, որ դա կստեղծվի»: