ՌԴ Պետդուման երրորդ վերջնական ընթերցմամբ ընդունել է հանրահավաքներ անցկացնելու իրավունքները չարաշահելու համար տուգանքների մասին նախագիծը՝ տեղեկացնում է Meduza-ն։

Վարչական խախտումների մասին օրենսգրքում կավելացվի նոր հոդված՝ 20․23, որը պատասխանատվություն է նախատեսում «հրապարակային միջոցառման անցկացման ծանուցում ներկայացնելու համար՝ եթե այն աննպատակ է»։

«Հրապարակային միջոցառում անցկացնելու իրավունքները չարաշահելու համար» նոր հոդվածով ֆիզիկական անձանց համար տուգանքները կկազմեն 5-25 հազար ռուբլի, պաշտոնատար անձանց համար՝ 10-30 հազար ռուբլի, իրավաբանական անձանց համար՝ 20-100 հազար ռուբլի։