News
Լրահոս
News
Երեքշաբթի
Ապրիլ 23
Տեսնել լրահոսը

Հոկտեմբերի 18-ին Հայաստանի արտգործնախարարի պաշտոնակատար Զոհրաբ Մնացականյանն ընդունել է ԵՄ Արտաքին գործողության եվրոպական ծառայության՝ Եվրոպայի եւ Կենտրոնական Ասիայի հարցերով գործադիր տնօրեն Թոմաս Մայր-Հարթինգին։

NEWS.am-ին ԱԳՆ մամուլի ծառայությունից հայտնեցին, որ Մնացականյանը նշել է, թե Հայաստանը մեծապես կարեւորում է ԵՄ-ի հետ ձեւավորված սերտ գործընկերային համագործակցությունը՝ ընդգծելով այն առավել ամրապնդելու ուղղությամբ գործնական քայլեր ձեռնարկելու մեր մտադրությունը:

Խոսելով ՀՀ-ԵՄ Համապարփակ եւ ընդլայնված գործընկերության համաձայնագրի, որպես Եվրամիության եւ անդամ պետությունների հետ հարաբերությունների նոր իրավական հենքի, մասին՝ Մնացականյանն արձանագրել է, որ այն նաեւ Հայաստանում ընթացող բարեփոխումները խրախուսելու կարեւոր գործիք է: Նախարարն ընդգծել է, որ Հայաստանի իշխանությունների գլխավոր առաջնահերթությունը ՀԸԳՀ-ի արդյունավետ եւ գործնական կիրարկման ուղղությամբ կառավարության ռեսուրսների մոբիլիզացումն է: Երկուստեք կարեւորվել է ՀՀ-ԵՄ Համապարփակ եւ ընդլայնված գործընկերության համաձայնագրի եւ ՀՀ-ԵՄ Գործընկերության առաջնայնություններ փաստաթղթի կիրարկումն ապահովող միջոցառումները համակարգող միջգերատեսչական հանձնաժողովի գործունեությունը:

Մնացականյանը Մայր-Հարթինգին ներկայացրել է Հայաստանում տեղի ունեցող ներքաղաքական զարգացումները եւ իրականացվող բարեփոխումների ընթացքը՝ ուղղված կոռուպցիայի դեմ պայքարին, օրենքի գերակայության ամրապնդմանը, տնտեսական եւ սոցիալական ոլորտում հավասար հնարավորությունների ապահովմանը: Խոսելով արտահերթ խորհրդարանական ընտրությունների մասին՝ նախարարը վերահաստատել է ազատ եւ արդար ընտրական գործընթաց ապահովելու Հայաստանի իշխանությունների պատրաստակամությունը, միաժամանակ կարեւորելով այս ուղղությամբ միջազգային գործընկերների, մասնավորապես՝ ԵՄ-ի աջակցությունը:

Զրուցակիցները քննարկել են նաեւ տարածաշրջանային եւ միջազգային հարցեր՝ Սիրիայում ստեղծված իրավիճակը, Իրանի միջուկային ծրագիրը եւ այլն։ Զոհրաբ Մնացականյանը Թոմաս Մայր-Հարթինգին ներկայացրել է ղարաբաղյան հիմնախնդրի կարգավորման մասին հայկական կողմի դիրքորոշումը։ Երկուստեք ընդգծվել է ղարաբաղյան հիմնախնդրի բացառապես խաղաղ կարգավորումը՝ ԵԱՀԿ ՄԽ-ի շրջանակներում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Չեխիայի պատգամավորների պալատը վավերացրել է ԵՄ-ի եւ Հայաստանի միջեւ համաձայնագիրը
Համաձայնագրին հավանություն պետք է տա նաեւ Չեխիայի Սենատը…
Եվրախորհրդարանը հավանություն է տվել համատեղ պաշտպանական հիմնադրամի ստեղծմանը
Պատգամավորները առաջարկում են այդ նպատակների համար 13 մլրդ եվրո հատկացնել...
Եվրասկեպտիկները կարող են ուժեղացնել իրենց դիրքերը Եվրախորհրդարանի առաջիկա ընտրություններում
Եվրոպական ազգային կուսակցությունը կմնա ամենախոշոր խմբակցությունը՝ 180 տեղով, որը կազմում է ընդհանուր թվի 24 տոկոսը․․․
Հնարավոր է՝ 2019 թվականին փոխվեն Շենգենյան վիզաներ ստանալու կանոնները. նորամուծությունը Հայաստանին չի առնչվի
Շենգենյան գոտու երկրներ կարճաժամկետ մուտքի վիզայի արժեքը 2019 թվականին 60 եվրոյից կդառնա 80 եվրո, սակայն թանկացումը չի առնչվի մի շարք երկրների քաղաքացիներին…
ԵՄ-ն չունի այլ ընտրություն, բացի ներկրվող ամերիկյան ապրանքների համար տուրքերի սահմանման սպառնալիքը
Ինչպես տեղեկացվել էր նախկինում, Եվրամիությունը պատրաստել է ապրանքների ցուցակ, որոնց վրա կարող են տուրքեր սահմանվել․․․
ԵՄ-ն վրդովված է Կուբայի հարցով ԱՄՆ որոշումից
ԵՄ-ն նախազգուշացրել է, որ կարող է վերականգնել այդ հարցով գործը Առեւտրի համաշխարհային կազմակերպությունում․․․