News
Լրահոս
News
Ուրբաթ
Մարտ 29
Տեսնել լրահոսը


Միշտ էլ քննարկումներ եղել են, բնականաբար ԲՀԿ ներկուսակցական  կյանքը շատ հարուստ է, բայց դեռ կոնկրետ որոշում չունենք, թե ինչ ձեւաչափով կմասնակցենք ԱԺ արտահերթ ընտրություններին: Այս մասին, այսօր՝ հոկտեմբերի 19-ին, ԱԺ-ում լրագրողների հետ զրույցում նշեց ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանը՝ հավելելով, որ անգամ դեռ ընտրությունների օրը հայտնի չէ:

Հարցին, թե ԲՀԿ-ն կողմ կքվեարկի՞ Ընտրական օրենսգրքի փոփոխությունների նախագծին, նա պատասխանեց. «Հիմնականում այստեղ հարցերը լուծված եմ համարում: Ամռանը աշխատել ենք Ընտրական օրենսգրքի շուրջ: Շատ տեղին եմ համարում դրույթը, որ 4-րդ ուժը խորհրդարան անցնելու համար ստանա առնվազն 2 տոկոս, որովհետեւ տեսականորեն կարող է ստեղծվել իրավիճակ, երբ 0,1 տոկոս ստացած ուժը հայտնվի խորհրդարանում: Դա, եթե չեմ սխալվում, 5-6 հազար ձայն է, ու դա նորմալ երեւույթ չի լինի: Իհարկե, առանցքային խնդիրը ռեյտինգային արատավոր համակարգի դուրս մղումն էր եւ փակ, սովորական ցուցակներով համամասնական ընտրակարգով ընտրությունների գնալն է, որը նախագծում կա»:

Միքայել Մելքումյանը լավ է գնահատում ԱԺ արտահերթ ընտրություններում ԲՀԿ շանսերը. «Շատ լուրջ եմ գնահատում ԲՀԿ-ի էլեկտորատը, եկեք եղանակի կանխատեսմամբ չզբաղվենք: Հիմքերը տալիս է այն, որ մենք երկար տարիներ ժողովրդի հետ աշխատել ենք, մեր ծրագրերն են եղել, վարքագիծն է եղել: Վերջին հաշվով զրոյից չենք սկսում:

Չեմ ուզում համեմատություն անել Երեւանի ավագանու ընտրությունների հետ, այնուամենայնիվ, հիմա ՀՀ նախագահի ընտրովի ինստիտուտ չկա: Նախկինում հանրապետության բախտը վճռվում էր ոչ թե ԱԺ-ի, այլ նախագահի ընտրություններում: Հիմա խորհրդարանական ընտրությունների ժամանակ է բախվելու երկրի բախտը, այնպես որ քաղաքակիրթ ձեւով գնալու ենք ընտրությունների»:

Դիտարկմանը, որ ԲՀԿ-ն Երեւանի ավագանու ընտրություններում ընդամենը 7 տոկոս ձայն ստացավ, Մելքումյանն արձագանքեց. «Ավագանու ընտրությունների դեպքում՝ պետք չի մութ սենյակում ինչ-որ բաներ փնտրել: Ավագանու ընտրությունը դասական քաղաքական ընտրություն չեմ համարում: Երեւանցին ավագանու ընտրությունը դիտարկում է քաղաքի տնտեսական, սոցիալական, տրանսպորտի, աղբահանության կոնտեքստում: Ինքը չդարձավ ծրագրերի քննարկման ընտրություն, դարձավ ավելի շատ հետհեղափոխական շրջանի արձանագրություն»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ի ներկայացուցիչներն ուզում են Ընտրական օրենսգրքի նախագծի առանցքային փոփոխություններին ծանոթանալ գրավոր ընթացակարգով
Կենտրոնական ընտրական հանձնաժողովը նոյեմբերի 20-ին հյուրընկալել է ՄԱԿ...
Ընտրական օրենսգրքում նախատեսվող փոփոխությունները խիստ խնդրահարույց են. ՀԿ-ների հայտարարությունը
ՀՀ Արդարադատության նախարարությունը շրջանառել է «ՀՀ ընտրական օրենսգրքում լրացումներ և փոփոխություններ...
Վերին Դվին և Արզնի համայնքների քվեարկության վերջնական արդյունքները հայտնի են
2023 թվականի հոկտեմբերի 29-ին Արարատի մարզի Վերին Դվին համայնքում համայնքի ղեկավարի և ավագանու անդամների, իսկ Կոտայքի մարզի Արզնի…
ԿԸՀ նախագահը ներկայացրել է 2024-ի բյուջեով կառույցին հատկացվող ֆինանսական միջոցները
Գումարը հատկացվելու է «Ընտրական գործընթացների համակարգում, կանոնակարգում և տեղեկատվության տրամադրում» ծրագրի շրջանակներում...
ԿԸՀ-ն հրապարակել է Վերին Դվինում և Արզնիում քվեարկության նախնական արդյունքները
2023 թվականի հոկտեմբերի 29-ին Արարատի մարզի Վերին Դվին համայնքում...
Հաստատվել է հոկտեմբերի 29-ին ՏԻՄ ընտրությունների նախապատրաստման եւ անցկացման միջոցառումների ժամանակացույցը
Համապատասխան ընտրատարածքային ընտրական հանձնաժողովում թեկնածուների գրանցումը կատարվում է՝ 2023 թվականի սեպտեմբերի 29-ից մինչեւ հոկտեմբերի 4-ը՝ մինչեւ ժամը 18:00-ն...
Ամենաշատ