Հայաստանի իշխող կոալիցիայում ընդգրկված կուսակցությունների հանդիպումը չի կայացել։ Շրջանառվող լուրեր մասին NEWS.am-ի հարցմանն ի պատասխան այս մասին ասաց Հայաստանի նախագահի մամուլի քարտուղար Արմեն Արզումանյանը։
Ավելի վաղ խոսակցություններ կային, որ Հայաստանի հանրապետական, «Բարգավաճ Հայաստան» եւ «Օրինաց երկիր» կուսակցությունների ղեկավարները փետրվարի 11-ին հանդիպելու են։ Հիշեցնենք, որ Հայաստանի նախագահ Սերժ Սարգսյանը ղեկավարում է նաեւ ՀՀԿ-ն։
Նշենք, որ «Օրինաց երկիր» կուսակցության ներկայացուցիչների խոսքով, փետրվարի 11-ի հնարավոր հանդիպմանը պետք է քննարկվեր հետագա համագործակցության, մասնավորապես 2012 թ. խորհրդարանական եւ 2013 թ. նախագահական ընտրությունների կապակցությամբ դիրքորոշումների վերաբերյալ հարցերը։
Հիշեցնենք, որ փետրվարի 12-ին նախատեսված է «Բարգավաճ Հայաստան» կուսակցության համագումարը, եւ ամենայն հավանականությամբ, այս կուսակցությունը համագումարում կհայտարարի իր հետագա քայլերի մասին։