News
Լրահոս
News
Հինգշաբթի
Մարտ 28
Տեսնել լրահոսը

Աֆղանստանում ընտրողներն այցելում են ընտրական տեղամասեր՝ իրենց թեկնածուներին ձայն տալով «Թալիբանի» կողմից սպառնալիքների եւ անվտանգության խստագույն պայմաններում, փոխանցում է BBC-ն:

Աֆղանստանի խորհրդարանի 250 պատգամավորական մանդատի համար պայքարում են ավելի քան 2500 թեկնածուներ:

Ընդ որում՝ անվտանգության նկատառումներով փակվել է ընտրական տեղամասերի ավելի քան 30 տոկոսը, քանի որ մինչեւ ընտրությունների մեկնարկը սպանվել է 10 թեկնածու:

Պարբերականը հայտնում է, որ Քանդահարի նահանգում ընտրությունները տեղափոխվել են տեղական ոստիկանության ղեկավարի սպանության պատճառով. նրան սպանել էր կեղծ թիկնապահը:

Բարձր մակարդակով անվտանգության խորհրդակցությունից հետո իրագործված հանցագործության պատասխանատվությունը ստանձնել էր «Թալիբանը»:

Հիշեցնենք, որ Աֆղանստանում նախընտրական մրցարշավի ընթացքում տեղի են ունեցել խորհրդարանի պատգամավորի թեկնածուների եւ երկրի պաշտոնական ներկայացուցիչների սպանություններ եւ ահաբեկություններ:

!
Այս նյութը հասանելի է նաև   Русский
Տպել
Ամենաշատ