Apple ընկերության գլխավոր տնօրեն Թիմ Կուկը առաջին անգամ անձամբ է հերքել այն տեղեկությունները, որ Apple-ի համակարգիչներում եւ գաջեթներում Չինաստանում արտադրելու փուլում տեղադրվել են լրտեսական չիպեր, հայտնում է BuzzFeed News-ը:
Կուկը հեռախոսային հարցազրույցում հայտարարել է, որ այդ պատմությունն իրականությանը չի համապատասխանում:
Նա հավելել է, որ չիպերի մասին առաջինը հայտնած Bloomberg գործակալությունը պետք է իրեն ճիշտ պահի եւ հերքում հրապարակի:
Ավելի վաղ հաղորդվել էր, որ ԱՄՆ ԿՀՎ-ն Apple-ի եւ Amazon-ի համակարգիչներում ու գաջեթներում լրտեսական չիպեր է հայտնաբերել, որոնք կարող էին տեխնիկայի մեջ ներդրվել Չինաստանում արտադրելու ժամանակ: