Հուլիսի 25-ին ԻԼԻՊ ահաբեկչական կազմակերպության հարձակման ժամանակ Սուվեյդա նահանգի Աշ Շաբքի գյուղում պատանդ վերցված 29 մարդուց 6-ն ազատագրվել է, փոխանցում է ՍԱՆԱ-ն:
Ի պատասխան Սիրիայի նախագահ Բաշար Ալ Ասադի կարգադրության՝ ահաբեկչական կազմակերպություններին հետապնդելու մասին, Սիրիայի Զինված ուժերը եւ անվտանգության ծառայությունները հետեւել են Սուվեյդա նահանգի անապատի արեւելյան հատվածում մնացած ԻԼԻՊ-ի ահաբեկչական խմբավորումներին, հայտարարել է Սուվեյդայի նահանգապետ Ամեր Իբրահիմ Ալ Աշշին՝ ազատագրվածների հետ հանդիպման ժամանակ՝ հավելելով, որ գործողության ժամանակ չեզոքացվել են ահաբեկիչներից շատերը:
Նրա խոսքով՝ ահաբեկիչների շրջափակման արդյունքում ազատագրվել են 6 պատանդներ՝ 2 կին եւ 4 երեխա, նա շեշտել է, որ մնացյալ պատանդներին կազատագրեն առաջիկայում:
Պատանդներն, իրենց հերթին, շնորհակալություն են հայտնել նրանց, ովքեր նպաստել են իրենց ազատագրմանը, մասնավորապես Սիրիական բանակի հերոսներին, որոնք իրենց ազատել են տառապանքից եւ խոշտանգումներից:
