Ստամբուլում այսօր՝ հոկտեմբերի 20-ին, տեղի է ունեցել Արա Գյուլերի թաղման արարաղությունը։
Ինչպես տեղեկացնում է հայկական «Ակոս»ճը, Արա Գյուլերի թաղումը սկսվել է Բեյօղլուի հայկական Երեք Խորան եկեղեցուց։ Հուղարկավորության արարողությունը տեղի է ունեցել Դլե Յամանի, Կռունկի, Սարը Գելինի եւ այլ հայկական երգերի ներքո։
Արա Գյուլերի գերեզմանի համար հող են բերել նաեւ նրա ծննդավայր Շապինգարահիսարից։
Արա Գյուլերի մարմինն ամփոփվել է Շիշլիի հայկական գերեզմանոցում։
Արա Գյուլերը, ում նաեւ անվանում են «Ստամբուլի աչք», ստացել է բազմաթիվ մրցանակներ եւ տիտղոսներ թե՜ Թուրքիայում, թե՜ աշխարհի ամենահայտնի կազմակերպությունների կողմից։
Իրականացրել է ֆոտոռեպորտաժներ համաշխարհային պատմության հայտնի դեմքերի, այդ թվում՝ Ուինսթոն Չերչիլի, Առնոլդ Թոյնբիի, Բերթրանդ Ռասելի, Պիկասոյի, Սալվադոր Դալիի եւ այլոց հետ:
Հայտնի հայ լուսանկարիչին հրաժեշտ են տվել հազարավոր պոլսահայեր, հայ, թուրք եւ քուրդ մտավորականներ, պետական ու քաղաքական գործիչներ։